Tuesday, October 16, 2018

முதுமையில் அசத்தும் அமிதாப்பச்சன்




நடிகர் அமிதாபச்சன் இளமையில் சாதிக்க முடியாததை
இந்த வயதில் நடத்திக் கொண்டிருக்கிறார்.
இளம் வயதில அவரை angry hero .. என்ற ஒரே
அடையாளத்தில் காட்டினார்கள்.
எனக்கென்னவோ அந்த மசாலா படங்களை விட
இன்று வெளிவரும் .. மசாலா படங்களில் கூட
அமிதாப்பச்சன் ஒரு முத்திரை பதிக்கிறார்.
இந்த வயதில் அவர் இளம் பெண்களுடன்
ஓடிப்பிடித்து டூயுட் பாடுவதில்லை என்பதே
பார்ப்பவர்களுக்கு நிம்மதியாக இருக்கிறது.
அவருடைய வயதுக்கு ஏற்ற கதைப் பாத்திரங்கள்
அந்த முதிர்ந்த வயதின் நிறங்கள்
உணர்வுகள் தடுமாற்றங்கள்
என்று அவர் தூள் கிளப்புகிறார்
இன்னும் சொல்லப்போனால் இந்தி திரையுலகம்
அந்த நடிகனை அவர் வயதுக்கும் அனுபவத்திற்கும்
ஏற்ப அவருக்கு என்றே பல்வேறு குணச்சித்திர
கதைப் பாத்திரங்களை உருவாக்கி
அந்த நடிகனை உயிர்ப்புடன் வைத்திருக்கிறது.
தமிழ்த் திரையுலகம்..
சிவாஜி என்ற நடிகனை ..
இப்படியான எந்த வாய்ப்புகளுக்குமான கதவுகளைத்
திறக்காமல்
அவரை தனிமைக்குள் தள்ளி..
முதுமையை நோயாக்கி..
அவரை வீணடித்துவிட்டது.

இதை +60 இல் இருக்கும் இன்றைய
நடிகர்கள் கவனத்தில் எடுப்பார்களா
இயக்குனர்கள் பக்கத்து தெரு
பாலிவுட்டில் என்ன நடக்கிறது என்பதை
கவனிப்பார்களா..?
தெரியவில்லை

என்ன திடீர்னு.. சினிமா பற்றி எல்லாம்
எழுதுகிறாய்னு கேட்டுடாதீங்க..
இப்போதெல்லாம் இந்தி மசாலா படங்களும்
பார்க்க ஆரம்பித்திருக்கிறேன்.
எப்போதுமே.. சீரியஸான படங்களைப்
பார்த்துக்கொண்டு தலைவலி தைலத்தை
தேய்த்துக்கொண்டிருக்க முடியுமா..
.. அப்படிப் பார்த்ததில் தான் 
அமிதாப்பாச்சன் இந்தி மசாலாவில்
எவ்வளவு காட்டாம சுள்ளுனு.. இருக்கார்னு
.. கண்டுபிடிச்சேன்..

1 comment:

  1. நமது நடிகர்கள் எத்துணை வயதானாலும், டூயட் பாடுவதில் கவனமாக இருக்கிறார்களே
    நன்றி சகோதரியாரே

    ReplyDelete