Monday, November 18, 2019

ஆபுத்திர வம்சம்

Image result for abstraction art"

உன்னைத் தூக்கிச் சுமந்த
நினைவுகள்..
இன்னும் வெற்றிடமாகவில்லை.
கண்திறக்காத கருவறையில்
அடியே..
கையில் பிச்சைப்பாத்திரத்துடன்
நானும் என் நினைவுகளும்.
அமுதூட்டுவாயோ
அனாதையென விரட்டுவாயோ..
பச்சைக்கிளி பரிதவிக்கிறது.
நிராகரிப்புகளை மறப்பதற்கில்லை.
உன்னையும் தான்.
அமுதசுரபியை கடல்கொள்ளுமோ
கருவறைத் தாங்குமோ..
பிச்சைப்பாத்திரம்
என்னை அனாதையாக்கி
உன்னைத் தெருவில் நிறுத்துமோ..
தேவீ
கொடுப்பதற்கும் எடுப்பதற்கும்
எதுவுமில்லா கொலையுதிர்காலம்..
வா.. கையில் சூலாயுதம் ஏந்தி வா.
தனித்தே நிற்கிறேன்.
உன்னைச் சுமந்த கனவுகளுடன்
தனித்தே நிற்கிறேன்.
வா..
தாமிரபரணியின் கண்ணீர்
வற்றிவிடவில்லை
அடீயே
உன் பிரசவவேதனையை விட
கொடியது
என் கனவுகளின் தற்கொலை.
அமுதசுரபியா
பிச்சைப்பாத்திரமா..
ஆபுத்திர வம்சத்தை அலையவிடாதே.

1 comment:

  1. ஆபுத்திர வம்சத்தை அலையவிடாதே.

    அருமை, தொடருங்கள்

    ReplyDelete