Saturday, February 9, 2019

SUI DHAGA - HINDI MOVIE

காதறுந்த ஊசி... காணாமல் போன நூல்..
SUI DHAGA .. திரைப்படத்தை முன்வைத்து..
. வருண் தவானும் அனுஷ்க சர்மாவும் நடித்திருக்கிறார்கள்.
இயல்பான அவர்களின் நடிப்பு சில காட்சிகளில் ஒரு கவிதையைப்போல விரிகிறது. எங்கே போனார்கள் நம் தையல்கார ர்கள்?
தையல் என்பது வெறும் தொழில் அல்ல.
தையல் என்பது கலை நுணுக்கத்துடன் செய்யப்பட்ட ஒரு தொழிலாக இந்தியாவில் இருந்த து. அதை எல்லாம் இன்று கார்ப்பரேட் முதலைகள்
விழுங்கிவிட்டன. ஆடைகளைத் தயாரிக்கும் எந்திரங்களாக தையல்கார ர்களை
மாற்றிவிட்டோம்.
தையல்கார ர்களை விலைக்கு வாங்கி இன்று ஆடைகளின் உலகத்தில்
ஒரு பெரும் புரட்சி நடந்துவிட்ட தான
ஒரு மாயையில் இருக்கிறோம்..
(SMALL, MEDIUM, LARGE, EXTRA LARGE , EXTRA EXTRA LARGE, TRIPLE EXTRA LARGE,
FREE SIZE…) S , M, L, XL, XXL, XXXl இப்படியாக அவர்கள் தயாரிக்கும் ஆடைகளின்
அளவுக்குள் நம் உடலைத் திணிக்கப் பெரும்பாடு
படுகிறோம். ஆடைகளை யாருக்குத் தயாரிக்கிறோம், அவர் உடல்
அளவு என்ன எதைப் பற்றியும் தெரிந்து கொள்ள வேண்டிய அவசியமில்லை
தையல்கார ர்களுக்கு. யாரோ ஒருவர்
கட் செய்வார்… ஒரே அளவில்
ஆயிரக்கணக்கான ஆடைகளை.
சில நூறுபேர்கள் வரிசையாக
உட்கார்ந்து மெசினின் தைப்பார்கள்…
அந்த ஆடைகள் உள் நாட்டிலும்
வெளி நாட்டிலும் பெரிய கம்பேனிகளின் முத்திரையுடன் சந்தையில் விறபனைக்கு வரும்… இங்கே தையல் என்ற
கலைத்தொழில் வெறும் உடல் உழைப்பு
சார்ந்த இன்னொரு தொழிலாகி இருக்கிறது.
தையல் காரனின் தொழில் நுட்பமும்
டிசைனும் புதிது புதிதாக
படைக்கும் படைப்பாற்றாலும்
அவனுக்குத் தெரியாமல்
களவாடப்பட்டிருக்கின்றன.
FAB INDIA டிசைன் ஆடைகளைப் பார்க்கும் போதெல்லாம்
எந்த ஆதிவாசிகளின் ஆடையிலிருந்து இந்த டிசைனைத் திருடி இருக்கிறார்கள் என்பது தெரியவரும்.
அதாவது ஒரு டிசைனை உருவாக்கியவனிடன் அதை அடிமாட்டுக்கு விலைக்கு வாங்கியோ/
திருடியோ உலகப் பணக்கார ர்களாகி விடுகிறார்கள்.
இம்மாதிரியான கனமான செய்திகளை ஒரு திரைப்பட த்தில்
காட்டியதில் இத்திரைப்படம் தனித்து நிற்கிறது.
பெண்களின் பளவுஸ் கொஞ்சம் லூசா இருந்தால் கூட
அவர்களின் ஆடை அலங்காரத்தில் குறையாகிவிடும்.
அதை எல்லாம் கண்டு கொள்ளாமல் என்னைப் போல
லூசா ப்ளவுஸ் போட்டுக்கொண்டு அலைபவர்களை
இன்றும் கொஞ்சல் லூசு இந்தப் பொம்பள என்று
பார்க்கும் மன நிலை இருப்பதால் தான் ஒன்றிரண்டு
தையல்கார ர்களின் தையல் மிசின் தனித்துவத்துடன்
ஓடிக்கொண்டிருக்கிறது.
அதிலும் கூட ரெடிமேட் ப்ளவுஸ் வந்துவிட்ட து…
என்னவோ போங்கள்…

Thursday, February 7, 2019

திட்டியின் விஷமோ தவக்கோலம்?


காமத்தை நீ சூடிய மலர்களின்
வாசனையாய் தெளித்து வைத்திருந்தாய்
காமத்தை உன் ஆடலின் அசைவுகளில்
மறைத்து வைத்திருந்தாய்.
காமத்தை உன் இசையின் பெருவெள்ளமாய்
நதிகளில் நிரப்பினாய்
காமத்தை ஆடிப் பாடி
அலைகளில் நீராடி
மூழ்கி முத்தெடுத்து
பயணித்தவள் நீ..
உன் மகளை
மாபெரும் பத்தினி மகள்
என்று உன்னிடமிருந்து விலக்கியவள் நீ
அருந்தவப் படுத்தும் அதிகாரத்தை மட்டும்
திருந்தாச் செய்கை என தெளியாத து ஏன்?
இராகுலன் அவன்..
இலக்குமி நான்.
திட்டியின் விஷமோ
என் தவக்கோலம் தாயே?
பிச்சைப் பாத்திரங்கள்
நிரம்பி வழிகின்றன.
உதயக்குமரனின் தேரோசை
அமுத சுரபி அறியாத பிச்சைப்பாத்திரம்
கருவறை பிளக்கும் பெருவலி
பளிக்கறை கதவுகள் திறக்கின்றன..
பெரும்பசி என்னை எரிக்கிறது.
இதுவோ இதுவோ அது..
காம ம் அறியாமல்
காமத்தைக் கடந்துவிட்ட தாக
நானும்
கடந்துவிடுவாள் என்று நீயும்
நடித்துக் கொண்டிருக்கிறோம் தாயே.
பிச்சைப்பாத்திரத்துடன்
நானும் சபிக்கப்பட்டிருக்கிறேன்.
என் முலைப்பால் அருந்தும்
திட்டியின் குஞ்சுகளை
காயச்சண்டிகையின் கணவன்
என் செய்வான்?
சித்தார்த்தனின் தாகம் தீர்க்க
போதிமரத்தின் வேர்கள்
நீர்த்துளிகளைத் தேடி பயணிக்கின்றன.
கந்திற்பாவைகளை அனுப்பி
என்னை அழைக்காதே…
”காம ம் கடந்த வாய்மையள் “
என்று சுதமதி சொன்னது போதும்.
மதுரையில் கூல வணிகனின் கடைவீதிகள்
இரவுகளில் விழித்திருக்கின்றன.
இதுவே ஆயின் கெடுக அதன் திறன்
என அங்கிருந்து புறப்படுகிறேன்.
அதுவரை…
உதயக்குமரனின் அமுதசுரபியாய்..
(திட்டி.. இராகுலனை தீண்டிய விஷப்பாம்பு)

Wednesday, February 6, 2019

நன்றி ஓ ஹென்றி


 நன்றி.. ஓ ..ஹென்றி..
ஹென்றி பழைய பக்கம் தான் என்றாலும்
புத்தகமாக கையில் கிடைக்கும் போது
ஒரு தனி சந்தோஷம் வரத்தான் செய்கிறது.
நன்றி ஓ ஹென்றி..

பெண்ணியம் பேசுகிறேன் பேர்வழி என்று
சொல்லிக்கொண்டு சொற்களை மட்டுமே
திருடி தின்று அதுவும் செரிக்காமல் வாந்தி
எடுக்கும் எல்லாமும் இப்போதெல்லாம்
மிகுந்த ஒவ்வாமையை ஏற்படுத்துகிறது.
  நல்லவேளை ஓ ஹென்றி அப்படியல்ல.
தீபாவளிக்கு பஜாரில் புதுசு புதுசாக
கடைகள் முளைத்துவிடுகின்றன.
இந்தக் காட்சி ஒவ்வொரு ஆண்டும்
எல்லோருக்கும் இன்றுவரை காணக்கிடைக்கும்
காட்சி தான். நம்ம ஹென்றிக்கு மட்டும்
“அகலமான பஜார் தெருவே கோமண
சைசுக்கு ஆகிவிட்ட து” என்று  சொல்லத்
தெரிகிறது. கோமணத்தை அறியாதவர்
யார்?!! ஆனாலும் பஜார் கோமண சைசுக்கு
ஆவதைக் கவனிப்பவர் யார்! இதை ஒரு
பெண் எழுத முடியாது. அவளுக்கு கோமணம்
எல்லாம் நினைவுக்கு வருமா ..? எனக்கு
சந்தேகமா தான் இருக்கு. அவளுக்கு வேறு
எதாவது நினைவுக்கு வந்து தொலைக்கலாம்.
ஆனாலும் ஹென்றி.. தன் பார்வையில்
தனித்து நிற்கும் இடம் இது தான்.
நல்லாவே இருக்கு ஹென்றி..

இனி…
ஹென்றியைப் பற்றி நான் எப்போதும்
சொல்ல வேண்டும் என்று  நினைத்து
சொல்லாமல் இருக்கும் இன்னொரு கதை..
ஹென்றியின் கதைகளை விட ரொம்பவும்
சுவராஸ்யமானது…
ஹென்றி அவர் வீட்டு உறவினர் திருமணத்தில்
கலந்து கொள்ள மும்பை வந்திருந்தார்..
எங்களை அழைத்தார். 
(என்னுடன் கே ஆர் மணி மற்றும் மதி)
 ஓ ஹென்றி.. நாங்கள்
எப்படி வரமுடியும் உங்கள் உறவினர் வீட்டு
திருமணத்திற்கு? என்று நாங்களும் கேட்கவில்லை!
அப்படியான எதுவும் இல்லாமல் (சொல்லப்போனால்
வெட்கமில்லாமல்..!) நாங்கள் ஹென்றியைச்
சந்திக்கப் புறப்பட்டு விட்டோம். எங்களைப்
பார்த்த தில் ஹென்றிக்கும் ஏக க் கொண்டாட்டம்!
மாடியில் திருமண வீட்டாரின் சடங்குகள்
நடந்து கொண்டிருந்தன. நாங்கள் ஹாலில்
அதாவது டைனிங்க்  ஹாலில்.. ஒதுக்குப்புறமாக
இட த்தைப் பிடித்து உட்கார்ந்துவிட்டோம்.
ஹென்றி பெண் வீட்டுக்கார ரா?
மாப்பிள்ளை வீட்டுக்கார ரா?
எங்களுக்குத் தெரியாது.
ஆனால் சென்னையிலிருந்து திருமணத்திற்கு
குடும்பத்துடன் வந்திருக்கும் முக்கியமானவர்
என்பது மட்டும் புரிந்த து.
டைனிங்க் ஹாலில் பரிமாறுபவர்கள் எங்களுக்குச்
சூடான காஃபி, பஜ்ஜி, கேசரி, வடை என்று
பரிமாறிக்கொண்டே இருந்தார்கள்…
பஜ்ஜி கேசரிக்கு ஏற்ற மாதிரி எங்கள்
இலக்கியமும் தன் வாசலைத் திறந்து கொண்டு
வெள்ளமென பாய்ந்து ஓடிக்கொண்டிருந்த து.
ஹென்றி… ரொம்பவும் மூடில் இருந்தார்.
அப்போது… ரொம்பவும் வெள்ளந்தியாக
அவரிடம் கேட்டு வைத்தேன்..
ஓ ஹென்றி… இதெல்லாம் இருக்கட்டும்..
நம்ம பாட்டிகளுக்கும் இப்படியான
நிறைய காதல் இருந்திருக்குமா?!!! “ என்று.
ஹென்றிக்கு இன்னும் உற்சாகம் அதிகமாகி
விட்ட து. பாட்டியிடம் இதை எல்லாம் நாம்
பேசுவதில்லை. பேசிப் பாருங்கள்.. இன்றைய
பெண்ணியத்தை எல்லாம் தூக்கிச் சாப்பிட்டு
விடுவார்கள் நம் பாட்டிகள் “ என்றார்.
ஹென்றி இப்படி சொன்னாலும் சொன்னார்..
எனக்கு அப்போதே எந்தப் பாட்டியிடம்
எதைக் கேட்கலாம் என்ற எண்ணம் வந்த து.
ஸ்கூல் , கல்லூரி, ஏன் ஆபிஸ் போகும் போது கூட
அடிக்கடி பாட்டிகளை சாவடித்து லீவு கேட்ட
 நான் என் பாட்டிகளின் மறைவுக்காக முதன்
முதலாக உண்மையாகவே வருத்தப்பட்டேன்
என்றால் பார்த்துக் கொள்ளுங்களேன்..

இப்படியாக நான் பாட்டிகளைத் தேட
ஆரம்பித் த்தில் ஹென்றி தான் எனக்கு
 குருவாக இருந்தார்…
அப்படி ஒரு பாட்டியை.. அதுவும் என்
மகளின் திருமணத்தில் சந்தித்தேன்.
அந்தப் பாட்டியிடம் போய் கதை எல்லாம்
கேட்கவில்லை. ஆனாலும் அந்தப் பாட்டி
செய்த சில விளையாட்டுகள் பாட்டியின்
கதையை என் புனைவுகளுக்குள் கொண்டுவந்த து.
இப்படியாகத் தான்
“பாட்டி என்ன சொல்லி விட்டாள்?!”
என்ற சிறுகதையை எழுதினேன்.
இந்தக் கதையை ஹென்றியிடம் சொல்ல
வேண்டும் என்று  நினைத்தேன்.
நன்றி ஓ ஹென்றி..

டியர்.. ஹென்றி..
மும்பையில் இருக்கும் உறவினர் வீட்டு
விசேஷங்களுக்கு .. இப்போதெல்லாம்
வருவதில்லையா என்ன..
ஹென்றியுடன் கதைப் பேசுவதும்
கதைக் கேட்பதும் சுவராஸ்யமான அனுபவம்.
  நன்றி.. ஓ.. ஹென்றி..
(எழுத்தாளர் எஸ். சங்கர நாராயணன் அவர்களுக்கு
நன்றியுடன்.. )




Sunday, February 3, 2019

கலாச்சார இந்துவும் இன்றைய அரசியலும்


"கலாச்சார இந்து"
இந்த அடையாளம் நேருவுக்கு தேவைப்படவில்லை.
ஆனால் ராகுல்காந்திக்கு தேவைப்படுகிறது.
ராகுல் ஜி தன்னை கலாச்சார இந்து என்று
சொல்லிக்கொள்ளலாம்.. நன்றி ஜெ.மோ.
“I am English by education, Muslim by culture
 and Hindu merely by accident,”
(JUST BORN AS A HINDU BY ACCIDENT)

நேரு தன்னைப் பற்றி இப்படி 
சொல்லிக்கொண்ட தாக பிஜேபியின்
ஐ.டி. துறை அமித் மாளவியா 2015ல்
தன் டுவிட்டரில் டுவிட்டினார்!
இந்த டுவிட்டல் வைரஸாக பரவியது.
அதன் பின் 2018 செப்டம்பரில் பிஜேபி
சார்பாக பேசியவரும் - ரிபப்ளிக் டிவி நிகழ்ச்சியில் 
இதே வரிகளை மேற்கோள் காட்டிப் பேசினார்.
ஆனால் நேரு எங்கே இதைப் பேசினார்,
எந்த இட த்தில் என்றெல்லாம் இவர்கள்
சொல்லவில்லை. அது அவர்களின்
நோக்கமும் அல்ல. 

நேரு குடும்பத்தைப் பற்றி எழுதப்பட்ட புத்தகம்

பி ஆர் ந ந்தா எழுதியது. மோதிலால் & ஜவஹர்லால்,
அப்புத்தகத்தில் இந்து மகாசபை தலைவர்
என் பி காரே நேருவைப் பற்றி சொன்ன விமர்சன
வரிகள் தான் மேற்கண்ட வரிகள். நேரு எவ்விட த்தும்
தன்னைப் பற்றி இப்படிசொல்லிக்கொள்ள வில்லை!!

இனி, அண்மையில் வாசித்த இன்னொரு புத்தகம்

ஜெயமோகன் எழுதிய “கலாச்சார இந்து”.
அப்புத்தகத்திலும் பக் 28 & 29 ல் நேருவைப் பற்றிய
இன்னொரு கருத்து வைக்கப்படுகிறது.

“ என் நினைவு சரி என்றால் கலாச்சார இந்து

என்ற சொல்லாட்சியை நான் நேருவின் எழுத்துகளில்
வாசித்திருக்கிறேன்” என் கிறார் ஜெ.மோ.
அவரும் அதற்கான எந்த தரவுகளையும் கொடுக்கவில்லை.
மேலும், ஜெ.மோ அவர்கள் 
“நேரு தன்னை நாத்திகர் என்று உணர்ந்தவர்.
அவர் நாத்திகம் என்பது ஐரோப்பிய தாராளவாதச்
சிந்தனகளில் பின்புலம் கொண்ட து……..
ஆனால் இந்தியப் பண்பாட்டின் துளியாகவே
நேரு எப்போதும் தன்னை உணர்ந்தார். இந்தியப்
பண்பாட்டின் த த்துவச் சிந்தனைகள். அழகியல்,
உணர்வு நிலைகள் ஆகியவற்றுடன் அவர் பின்னிப்
பிணைந்திருந்தார். அவை அடிப்படையில் இந்துப்
பாரம்பரியம் சார்ந்தவை என்றும் அவர் அறிந்திருந்தார்.
அவற்றை நிராகரிக்க தன்னால் முடியாது என அவர்
உணர்ந்தார்.
அதன் பொருட்டு அவர் கண்ட டைந்த அடையாளமே
கலாச்சார இந்து என்பது…”

என்று ஜெ.மோ நேருவை
 ஒரு கலாச்சார இந்துவாக வடிவமைக்கிறார்.
நேரு எவ்விட த்திலும் தன்னை ஒரு கலாச்சார
இந்து என்று பிரகடனப்படுத்திக் கொள்ளவில்லை.
( அப்படி சொல்லி இருந்தால் தெரியப்படுத்துங்கள்
தோழர்களே.. ) 
ஆனால் இந்துமத த்தின் எந்த ஆசாரங்களையும் 
பின்பற்றாதவன் ஒரு கலாச்சார இந்து
 என்ற முடிவுக்கு வருவோம் என்றால் 
நேரு கலாச்சார இந்து தான்..!
அதில் ஐயமில்லை.
மேலும்
இந்திரகாந்தியின் இளைய ம ருமகள், அவர்
கணவர் சஞ்சய்காந்தியின் அகால மரணத்திற்குப்
பின் (சொத்து வழக்கு என்று நினைக்கிறேன்) 
நீதிமன்றத்தில் இந்திராகாந்தி இந்துவல்ல
 என்று வழக்குத் தொடுத்தார்.
ஆனால் அதை விசாரித்த நீதிபதி 
1942ல் இந்திரா-பெரோஸ் திருமணப் புகைப்பட த்தை
 ஆதாரமாக கொண்டு இந்திராவின் திருமணம் 
இந்து முறைப்படி நடைபெற்ற திருமணம் 
என்று முடிவு செய்தார். அப்படியானால்
நேரு தன் மகளுக்கு இந்து முறைப்படி தான்
 திருமணம் செய்தார் என்பதும் உறுதி ஆகிறது.
இப்படியாக நேரு கலாச்சார இந்து என்று தன்னை
அடையாளப்படுத்திக் கொள்ளவில்லை என்றாலும்
கலாச்சார இந்துவாகவே இருந்தார் என்ற முடிவுக்கு
வரலாம். …
எனவே… இதனால் சொல்ல வருவது என்னவென்றால்…
காங்கிரசுக்கார ர்கள் அதிலும் குறிப்பாக
ராகுல் ஜி இனிமேல் சட்டையைத் தூக்கிக்
காட்ட வேண்டாம். நான் ஒரு கலாச்சார இந்து
என்று உரக்கச் சொல்லிக்கொள்ளலாம்.
சொல்ல வேண்டும். 

ஜெ.மோ.. ராகுல் ஜிக்காக இதை எழுதவில்லை
என்றாலும் ராகுல் ஜிக்கு “கலாச்சார இந்து”
என்ற அடையாளம் ஓட்டு அரசியலுக்கு
ரொம்பவும் வசதியாக இருக்கும்.

#cultural_hindu
#Rahul_gandhi


Friday, February 1, 2019

ஜெயமோகனின் "கலாச்சார இந்து"




ஜெயமோகனின் கலாச்சார இந்து
விஷ்ணுபுரம் இலக்கிய நிகழ்வுக்கு
சென்றிருந்தப் போது வாங்கிவந்தப்
புத்தகங்களில் ஒன்று ஜெ.மோவின்
கலாச்சார இந்து. ஜெ.மோ என்ன சொல்லியிருப்பார்
என்பதை புத்தகத்தின் பக்கங்களைப் புரட்டுவதற்கு
முன்பே நம்மால் ஊகிக்க முடிகிறது.
ஜெ.மோ வின் இந்துமதம் குறித்தப் புரிதல்களும்
கோர்வையாக அதன் மாற்றங்களை அல்லது
கலவைகளை தொகுத்திருக்கும் விதமும்
பாராட்டுதலுக்குரியது. 
வாசகரின் இந்துமதம்
சார்ந்தக் கேள்விகளுக்கான அவருடைய
விளக்க உரை தான் இக்கட்டுரைகள்.
தனக்குத் தோதான இந்துமதக் கருத்துகளைச்
சொல்ல அதற்கேற்ற வினாக்களை முன்வைத்து
எழுதப்பட்டிருக்கிறது. அந்த வினாக்கள் பொதுஜனப்
புத்தியிலிருந்து எழுகின்றன.
கலாச்சார இந்து பற்றிய கட்டுரைகளில் ஜெ.மோ
சிலாகிக்கும் சில விடயங்கள்..

*இங்குள்ள எந்த வழிபாடும் இந்து மத த்துடன்
உரையாடிக் காலப்போக்கில் அதனுடன் இணைந்து
கொண்டே இருக்கும். இப்படி இணைவதன் மூலமே
இந்துமதம் உருவாகி முன் செல்கிறது. (பக்18)
*எந்த சிறுதெய்வமும் இந்துப் பொதுமரபில்
எங்கோதான் இருந்து கொண்டிருக்கும். கண்டிப்பாக
முற்றிலும் வெளியே இருக்காது. தலித்துகளின்
தெய்வங்கள், பழங்குடிகளின் தெய்வங்கள் கூட இதுவே
உண்மை. (பக் 21)

*பிரம்ம ம் என்ற பிரமாண்டமான தரிசனத்திலிருந்து
கைக்குச் சிக்கும்படி அள்ளப்பட்ட சிறிய தரிசன ங்களே
சிவன் விஷ்ணு முருகன்  போன்ற நம் தெய்வ உருவகங்கள்.
ஞ்சானிகள் தேடுவது கடவுள் என்ற நம்பிக்கையை
அல்ல, கடவுள் என்ற சுய அறிதலை, சுய அனுபவத்தை.
(பக் 68)

*கோயில்களை சடங்குகளை விழாக்களை மதங்களை
இலக்கியங்களை த த்துவங்களை கலைகளை
இசையை குழந்தைகளுக்கு அளியுங்கள். அவற்றின்
மீது உங்களுக்கிருக்கும் நம்பிக்கைகள் மறுப்புகள்
ஐயங்களுடனேயே அளியுங்கள். அவர்களை மரபின்
வளமான மண்ணில் ஊன்றி வையுங்கள்.
அவர்கள் எப்படி வேண்டுமானாலும் வளரட்டும். (பக்90)
*எந்தப் பழங்குடி தெய்வத்தின் கதையும் இயல்பாகவே
சைவத்தில் வந்து முட்டும். இந்து மதம் என்பதே இத்தகைய
பல ஆயிரம் வழிபாடுகளின் தொகை என்பதே
இதற்கு காரணம். (பக்112)

*இந்து மத த்தின் அமைப்பே மூன்றடுக்கு முறைதான்.
கீழே நாட்டார் தெய்வங்களும் குல தெயவங்களும் அடங்கிய
வழிபாடு. மேலே பெரிந்தெய்வ வழிபாடு. அதற்குமேல்
த த்துவ தெய்வ உருவகம். இம்மூன்றும் ஒன்றுடன் ஒன்று
பிரிக்கமுடியாத படி கலந்திருக்கும். த த்துவம் பழங்குடி
வழிபாட்டை நோக்கி வரும். பழங்குடி வழிபாடு த த்துவம்
நோக்கிச் செல்லும். பழங்குடி தெய்வ பிரதிஷ்டை இல்லாத
எந்தப் பெருங்கோவிலும் தமிழ் நாட்டில் கிடையாது. (பக் 113)

ஜெ.மோ வின் இக்கருத்துகளின் தொகுப்பு
அவ்வப்போது வாசித்த கருத்துகளாக இருந்தாலும்
அவற்றை ஒரு புள்ளியில் தொகுத்து வழங்கி இருக்கும்
போது மரபு சார்ந்த ஒரு புரிதலும் கூடவே
பயணிக்கிறது. ஜெ.மோ கட்டுரைகளின் ஒரு
பக்கத்தில் இந்தப் பீடங்கள் தானே எழும்பி
நிற்கின்றன. 
அடுத்த நொடியில் ஜெ.மோ
எந்த இட த்திலிருந்து இதை எல்லாம் எழுதுகிறார் என்ற
எண்ணம் எழுகிறது. திரும்பிப் பார்க்கிறேன்.
ஜெ.மோ மிகச் சிறப்பாக பெருமித உணர்வுகளுடன்
சொல்லும் இந்து மத மரபில்
 ஜெ.மோ உட்கார்ந்திருக்கும்
இடம் வசதியான இருக்கை. அவருடைய இடம்
அவருக்கு அவர் வாசிப்பிலோ எழுத்திலோ கிடைத்த
இடமல்ல. அது அவருக்கு அவர் பிறப்பின் வழி
வாய்க்கப்பெற்ற பெரும்பேறு.
வசதியாக அமர்ந்திருக்கிறார்.
அவருடைய இடம் இருக்கை காற்றோட்டமாக
இருக்கிறது. வாசிப்புகளும் தேடலும் கூடுதல்
அனுபவமாகி கலாச்சார இந்துவாக அவர்
எம்முடன் உரையாடுகிறார்.
வாழ்க்கை… பயணம்..
இரயில் ஓடும் தண்டவாளத்தில்  கூட மாற்றமில்லை.
ஆனால் அவர் முதல் வகுப்பிலும்
எம்மைப் போன்றவர்கள் மூன்றாம் வகுப்பிலும்
பயணிக்கிறோம்.
இந்த இரயில் பயணம் அருமையானது,
அழகானது , என்று அவர் சொல்வதை
அப்படியே சொல்ல வேண்டும் என்றுதான்
நானும் விரும்புகிறேன். மூன்றாம் வகுப்பில்
மூச்சு முட்டுகிறது.
 என் கைகளையும் கால்களையும் நீட்ட முடியாது.
என் பிள்ளைகளுக்கும் அதே அதே.
இப்படித்தான் இருக்கும் இரயில் பயணம்
என்று சொல்லுகிறேன்.
அவரும் சொல்லுகிறார்..
இது நம் தொன்ம ம், இது நம் பெருமை,
இது மூன்றடுக்கு , இதுவே பிரமாண்டம்
என்று. நானும் சொல்கிறேன்…
இது நம் பயணம்.. எப்படியும் போகும்
இட த்திற்குப் பத்திரமாகப் போய்விட வேண்டும்
என்று. அவர்களை அந்தக் கூட்ட நெரிசலில்
என்னுடன் சேர்த்து அணைத்துக் கொள்கிறேன்.
அவர்கள் மெதுவாக என் அணைப்பிலிருந்து
தங்களை விலக்கிக் கொள்கிறார்கள்.
ஜெ. மோ பயணிக்கும் முதல் வகுப்பு…
ஜெ.மோ.. கதவுகளைத் திறக்க முயற்சி
செய்கிறார். அவருக்கும் தெரியும்..
அந்தக் கதவுகளைத் திறக்கும் சாவி
அவர் வசமில்லை என்பது.
அவர் குருவின் மன நிலைக்குப் போய்
நடிக்க முயற்சிக்கலாம்.. அத்தருணத்தில்
அது தேவையாகவும் இருக்கிறது…
கதவுகள் மூடியே இருக்கின்றன.
இரயில் ஓடிக்கொண்டிருக்கிறது.
நான்  தவிப்புடன்…
எம் பிள்ளைகள் இறங்கிவிட்டார்கள்..
அல்லது முதல் வகுப்பிலிருந்து தள்ளிவிடப்
பட்டார்கள்..! இரயில் ஓடுகிறது…
மரம் செடி கொடி தண்டவாளங்கள்
எங்களுடன் ஓடுகின்றன.
அவர்களும் ஓடுகிறார்கள்,
நாளை… அவர்கள் நடைப்பயணமாகவே
வர வேண்டிய இட த்திற்கு வந்துச் சேரலாம்.
அல்லது யாருக்குத் தெரியும்..
இரயிலை விட வேகமாகப் பயணிக்கும்
விமானத்தில் ஏறி வந்துவிடலாம்.
வரட்டும்..
கலாச்சார இந்துவுடன் கை குலுக்குகிறேன்..
ஓம் நம சிவாய.

#கலாச்சார_இந்து




Tuesday, January 22, 2019

தனியறையும் நானும்



மும்பையிலிருந்து வெளிவந்துக்கொண்டிருந்த
வார இதழ் “தமிழ்ப் போஸ்ட் “ எனக்காக அவர்களின்
ஒன்றரை பக்கங்களை ஒதுக்கித்தந்தார்கள்.
என்ன எழுத வேண்டும் என்றெல்லாம் எதுவும்
சொல்லவில்லை. எனக்கு முழு சுதந்திரமும்
கொடுத்த ஆசிரியர் ராஜாவாய்ஸ் அவர்களுக்கு
நன்றி. அப்போது தான் ஒரு சோதனை முயற்சியாக
தனியறை என்ற தலைப்பில் எழுத ஆரம்பித்தேன்.
தனியறை 1 , 2 , 3 என்று 26 தனியறைகள் வார வாரம்..
அதுவும் எவ்வித முன் தயாரிப்புகளும் கிடையாது.
வியாழக்கிழமை போன் வரும். வெள்ளிக்கிழமை
மாலை விளக்கு வைப்பதற்குள் தமிழ்ப் போஸ்ட்
ஆபிசிலிருந்து இன்னொரு போன்.. 
அன்றிரவு தனியறை என்னுடன் பேசும்..
தனியறை கதைகளின் பக்க அளவு
மீற முடியாத து. இன்னும் சொல்லப்போனால்
 அது எனக்குஒரு சவாலான வரையறையும் தான்.
 நீட்டி எழுதுவது எளிது.
எதையும் சுண்டக்காய்ச்சி கொடுப்பது..கடினம்.
ஆனாலும் பக்க அளவு ஏற்கனவே மனசில்
 பதிந்துவிட்ட தாலோஎன்னவோ..
தனியறை தன்னை அந்த எல்லைகளுக்குள்
நிறுத்திக்கொண்ட து.
தனியறையின் சில கதைகள் 
சில பிரச்சனைகளையும் சந்தித்தன.
 தங்களின் கதையைத்தான் நான் எழுதியிருக்கிறேன்
என்று என்னை மிகவும் கடுமையாக
 போன் போட்டு திட்டுவார்கள்.
அதையும் ரசித்துக்கொண்டேன். 
காரணம் அது உண்மையல்ல என்பதால் தான். 
ஒரே கதையை ஐந்தாறுபேர் என்வீட்டு கதை
என்றால் அது எப்படி? 
என்பதை மெல்ல மெல்ல அவர்களும்
 புரிந்து கொண்டார்கள் .. 
திடீரென 26 கதைகள் வந்தவுடன்
நிறுத்துக்கொண்டேன். எதுவும் தானே தொய்வடைவதற்குள்
அய்யோ ஏன் நிறுத்திவிட்டார்கள்? என்று வாசகர் 
நினைக்கும் போதே தொடரை 
நிறுத்துவது நல்லது
என்பது என் பத்திரிகை அனுபவம்.

தனியறை குறித்து

எழுதுவதற்கு ஒரு புதினம் அளவுக்கு அனுபவங்கள் 
இருக்கின்றன. தனியறை ஏக்கப்பெருமூச்சுகளில்
எம் இளமையும் காதலும் காம மும் வாழ்வின் 
அவிழ்க்க முடியாத தருணங்களும் கலந்திருக்கின்றன.
தனியறை எம் மக்களின் கதை. 
எம் தாய் தந்தையரின்கதை. 
புலம் பெயர் வாழ்வில் எம் தாராவியின் ஏக்கப் பெருமூச்சு.
இப்போதும் தாராவி குடிசை மேம்பாட்டு வாரியம்
புறாக்கூண்டு போல 250 சதுரஅடி வீடு
 கட்டிக்கொடுப்பதாக கூறுகிறார்களே…
அதன் அரசியல் பின்னணி..
தனியறை… வெறும் அறையல்ல.
தனியறை .. ஒரு வரலாறு.
தனியறை .. ஓர் அரசியல்
.
தனியறை.. புத்தகமாக மருதா வெளியீட்டில்
வந்த போது..
“தனியறை போராட்ட த்தில்
உலக வரைபட த்தில்
புள்ளிகளாக சிதறிக்கிடக்கும்
என் உடன்பிறப்புகளுக்கு”
என்று எழுதி சமர்ப்பணம் செய்திருந்தேன்
.
தனியறை என்னுரையிலிருந்து …
பிரபஞ்சத்திற்கு சூரியமண்டலம் தனியறை
சூரியமண்டலத்திற்கு பூமிஉருண்டை தனியறை
பூமி உருண்டைக்குப் பனித்துளி கூட தனியறை
ஆகாயத்திற்கு மேகக்கூட்டம் தனியறை
மேகங்களுக்கு மலைமுகடு தனியறை
மலைக்கெல்லாம் மழைத்துளியே தனியறை
மழைத்துளிக்குக் கடலடியில் தனியறை
கடலுக்கு அலையெல்லாம் தனியறை
அலைக்கு மண்மீது தனியறை
மண்ணுக்கு உயிரெல்லாம் தனியறை
உயிருக்குத் தாயின் கருவறையில் தனியறை.
மண்ணில் பிறந்து, வளர்ந்து, வாழும் நாட்கள்
அவரவர்களுக்கான தனியறைக் கதவுகளைத்
தேடித் தேடி தொடர்கிறது.
தனியறை தேடும் போராட்டத்தில்
தனித்தனியாகப் பிரிந்துபோன
அண்ணன் தம்பி, அக்கா தங்கை, கணவன் மனைவி,
பெற்றேர் பிள்ளைகள்.
உடைந்துப்போன கண்ணாடித் துண்டுகளாய்
தனியறைக் கதவுகளின் முன்னால்
சிதறிப்போன உறவுகள்.
பேரரசுகள், அரசியல் கட்சிகள், இயக்கங்கள்
வரலாறு நெடுகிலும் உண்டு.
காதல், பாசம், அதிகாரம், ஆளுமை
இவற்றை மட்டுமல்ல
மனித நாகரிகத்தில்
பண்பாட்டு மாற்றங்களையும் சிதைவுகளையும்
தனியறைக் கதவுகள்தான் தீர்மானிக்கின்றன.
சிந்திக்க சிந்திக்க
கண்களை அகல விரித்து
ஆகாயத்தைப் பார்த்து பிரமித்து நிற்கும்
சிறுமியாக நான்.
என் முன்
தனியறை ஒரு பிரபஞ்சமாக விரிகிறது.,
இப்பிரபஞ்சத்தில் நான் எழுதியது
என்னை நனைத்த
இந்த மா நகர மழைத்துளியின்
சிறுதுளியைத்தான்.
(முகனூல் வாசிப்போம் குழுவில் தனியறை குறித்து
இன்று விமர்சனம் எழுதி இருக்கிறார் தோழி மஹா.
தனியறை மீண்டும் என்னுடன் பேசிக்கொண்டிருக்கிறது.
வாசிப்போம் குழுவினருக்கும் நன்றி)

Saturday, January 19, 2019

BAAZAAR politics

பஜார்…
Bazaar movie critics review and rating

ஸ்டாக் மார்க்கெட்/ஷேர் மார்க்கெட்டின்
பணம் அதிகாரத்துடனும் அரசியலுடனும் 
சேர்ந்து என்னவெல்லாம் நட த்திக்கொண்டு
இருக்கிறது என்பதுதான் கதை.
இந்திய வணிகத்தின் தலை நகரமான
மும்பை தான் கதைக்கான களம்.
சந்தை வணிகத்தின் கதா நாயகனும்
வில்லனும் இரண்டுமே லாபத்தை மட்டுமே
நோக்கமாக க் கொண்டிருக்கும் குஜராத்தி
மார்வாடி. பணம் சார்ந்த வாழ்வியல் அறங்கள்
ஒரு குஜராத்தியைப் பொறுத்தவரை
லாபம் ஈட்டுவது மட்டும் தான்.
இதை ரொம்பவும் வெளிப்படையாக க் கதையின்
உரையாடல்கள் வழி சொல்லிக்கொண்டே இருக்கிறான்
சகுன் கோத்தாரி (சையப் அலிகான்) 
டுயுட் பாடல்கள், மயிர்க்கூச்செறியும் சண்டைக்
காட்சிகள் என்று எடுக்கப்படும் மசாலா
படங்களின் வரிசையிலிருந்து மாறுபட்ட
கதையை அதே விறுவிறுப்புடன் கதையாக்கி
இருப்பதற்கு இயக்குனரைப் பாரட்டலாம்.
அகமதாபாத்திலிருந்து ஷேர்மார்க்கெட் கனவுகளுடன்
வரும் ரிஷ்வான் அகமது பணம் சம்பாதிக்க
ஷேர்மார்க்கெட் ஒரு சுரங்கம் என்று நம்பும்
மத்திய தர வர்க்கத்தின் குறியீடு.
வித்தியாசமான கதைப்பாத்திரத்தை ஏற்று
நடிக்கும் சையப் அலிகானின் நடிப்பு
கதைக்கு வலு சேர்க்கிறது.
மும்பை ஷேர்மார்க்கெட்.. எத்தனை
நடுத்தர வர்க்கத்தின் சேமிப்புகளை
தின்று துப்பி இருக்கிறது..( நான் உட்பட..!)
ஒரு நிறுவனத்தின் 
ஷேரின் மதிப்பு குறைவதும் ஏறுவதும்
அந்த நிறுவனத்தின் ஆண்டு உற்பத்தி
இலாபம் சேர்ந்த தாக எவ்வளவு வெள்ளந்தித்
தனமாக நம்பிக் கொண்டிருக்கிறோம்.

அதிலும் இதைப் பற்றி வெளியாகும்
செய்திகள் ஊடகச்செய்திகளுக்குப் பின்
இருக்கும் இன்னொரு அரசியல்…
என்ன தலை சுற்றுகிறதா…
எனக்கும் தான்..
20 ஆண்டுகளுக்கும் மேலாக இந்த
ஸ்டாக் எக்ஸ்சேஞ்ச்ச்-பங்கு சந்தை
அலுவலகத்தின் அருகில் தான் என்
ஆபிசும். எப்போதும் டென்சனாக இந்த
ஆபிசிலிருந்து வெளியில் வரும் முகங்கள்
தலை தெறிக்கிற வேகத்தில் ஓடிக்கொண்டிருக்கும்
கால்கள்.. இதற்குப் பின்னால் இவ்வளவு
கதைகளும் அரசியலும்…

Tuesday, January 15, 2019

BRAND IMAGE

Image result for brand sale banner
காந்தி BRAND
காமராஜ் BRAND
கலைஞர் BRAND
காலச்சுவடு BRAND
ஒவ்வொரு BRAND க்கும் இருக்கும்
விலை அதன் தயாரிப்பை மட்டும் பொறுத்தல்ல.
அதன் BRAND IMAGE பொறுத்தச் சமாச்சாரம்.
உங்களுக்குத் தெரியுமா..
ரிலையன்ஸ், பாட்டா, வுட்லண்ட்ஸ் இத்தியாதி
பிராண்ட் பொருட்களின் தயாரிப்பு வேலைகள்
குறுகிய தாராவி சந்துகளில் நடக்கின்றன
என்ற ரகசியம்.. 
ஆனால் இங்கிருந்தே அது விற்பனைக்குப்
போனால் நீங்கள் வாங்க மாட்டீர்கள்.
அப்படியே வாங்கினாலும்
அடிமாட்டு விலைக்கு வாங்குவீர்கள்.
உழைத்தவனைப் பற்றியோ
அவன் உழைப்புக்கான ஊதியம் பற்றியோ
உங்களுக்கும் எனக்கும் கவலை இல்லை.
அதே பொருளைத்தான் பிராண்ட் வைத்திருப்பவன்
வாங்குகிறான். அல்லது ஆர்டர் கொடுத்து
செய்து கொள்கிறான். கோட்டு சூட்டு போட்ட
ஆண்களும் பெண்களும் உங்களை வரவேற்க
நீங்கள் அதையே அவர்களிடன் வாங்கிச்
செல்கின்றீர்கள். அந்தப் பிராண்ட்..
உங்கள் அந்தஸ்தின் அடையாளம்..
நீங்கள் பெரிய மனிதனாகிவிடுகின்றீர்கள்.
இந்தப் பிராண்ட் ஒரு பிசினஸ் வித்தையாக
இருக்கும் வரை அது முதலாளித்துவ உத்தி.
கார்ப்பரேட் சாம்ராஜ்யம்.
இதே பிராண்ட் அரசியலாகிறது.
இதே பிராண்ட் இலக்கியமாகிறது.

இங்கே காந்தி நேரு எம்ஜியார் காமராஜ்
கலைஞர் ..இப்படியாக பலர் கூட
இன்றைக்கு பிராண்ட் ..இமேஜ்.. தான்.
காந்தி என்ற பெயரை நேருவின் மகளுக்கு
தானமாக்கியது தான் நம் இந்திய
தேசத்தின் ஆகச்சிறந்த பிராண்ட் அரசியல்.
இப்போ பாருங்கள்…
காங்கிரசு தலைவர் ராகுல் அவர்களை
வெறும் ராகுல் என்று சொல்லிப்பாருங்கள்.
காற்று மட்டும் தான் வரும்.

ராகுல் காந்தி என்று சொல்லும்போது
ஒரு பிராண்ட் இமேஜ் , கம்பீரம்
வந்துவிடுகிறாதா இல்லையா?
ராகுலுக்கும் காந்தி என்ற ப்ராண்ட்
அடையாளத்திற்கும் எதாவது
தொடர்பு உண்டா..
இதைப் பற்றி எல்லாம் பொதுப்புத்தி
யோசிப்பதில்லை.
இங்கே ராகுலைச் சொல்லுவது கூட
இந்த பிராண்ட் ஏமாற்றுத்தனம்
புரிவதற்காக மட்டும் தான்.
பாவம் ராகுல்..
அவருக்கு இன்னும் இதெல்லாம் புரிகிற 
வயது வரவில்லை என்பதே என் எண்ணம்.
இந்தப் பிராண்ட் ப்ஃராட்டுத்தனம்..
அரசியலில் மட்டுமல்ல
சினிமாவிலும் உண்டு
அட.. இலக்கியத்திலும் உண்டுங்கே..
brand identity என்பதை BRAND IMAGE
ஆக மாற்றும் போது சொத்தை கூட
வித்தைகள் புரிகிறது.
விதைகள் தான் விலகி நிற்கின்றன.
… கொசுறாக இன்னொரு செய்தியும்..
எங்கள் தொழுவத்தில் இப்போதெல்லாம்
மாடுகள் இல்லை.
எங்கள் மகேந்திர மலை அடிவாரத்தில்
உங்கள் இராட்சத காற்றாடிகள்..
நாலுவழிச் சாலைகளைக் கடப்பதற்காக
காத்திருக்கிறேன்.
எங்க்கிருந்தாலும் உழைக்கும்
மாடுகள் வாழ்க, அதன் கொம்புகளைச் சீவி
விடுங்கள்.
மாடுகளுக்கும் கூட கொம்புகள் தான்
அடையாளம். பிராண்ட் இமேஜ். 
மாட்டுப்பொங்கல் வாழ்த்துகள்..
(மாடுகளுக்குத்தான் மக்கா)

Sunday, January 13, 2019

THE ACCIDENTAL PRIME MINISTER


Image result for accidental prime minister review

சமகால அரசியலை முன்வைத்து
வெளிவந்த திரைப்படங்களில்
இப்படம் மிகவும் முக்கியமானது.
"Sach likhna itihaas ke liye zaroori hota hai”
"உண்மையை எழத வேண்டியது 
வரலாற்றின் கட்டாயம்"
என்று சொல்லும் பிரதமரின் மீடியா
 அட்வைசராக 2004 முதல் 2008
வரை கூடவே இருந்த சஞ்சய பாரு வின் 
அனுபவத்தில்எழுதப்பட்ட புத்தகம்.
திரைப்படமாகி இருக்கிறது.
மன்மோகன் சிங் இந்தியாவின் பிரதமரானது
யாரும் எதிர்ப்பார்க்காத ஒரு திருப்பம்,
ஒரு விபத்து.. 
ஒரு தனிமனிதனின் அரசியல்
போராட்டம், மகாபாரத யுத்தம்..
ஆட்சி அதிகாரத்தின் அசல் முகம்..
ஒவ்வொரு செய்திக்குப் பின்னாலும்
மறைந்திருக்கும் உள்குத்து அரசியல்..
மன்மோகன் சிங்க் என்றஅதிர்ந்து பேசாத
ஒரு தலைவர் , ஊடகங்களால் மிகவும்
அதிகமாக கேலி கிண்டலுக்கு உள்ளான
பிரதமர்… தன் மென்மையான குரலில்
உறுதியாக சொல்கிறார்…
ஊடகங்கள் காட்டிய பிரதமராக 
நான் மக்கள் மனதில் இடம் பிடிக்கமாட்டேன்.
என்று! 
அணு ஆயுத ஒப்பந்தம் அத்துடன் 2ஜி,
நீராடிய டேப்.. ஊழல்.. இப்படியாக 
பிரதமரைச் சுற்றி ஒரு சதிவலை..
குற்றங்கள், ஊழல், தோல்வி, இயலாமை
இத்தியாதிக்கெல்லாம் பொறுப்பேற்க
வேண்டியவராக மன்மோகன் சிங்..
காங்கிரசு கட்சிக்கு ஒரு பலிகடாவாக
பிரதமர் நாற்காலியில்…

மன்மோகன்சிங்க் பாத்திரத்தில் நடித்திருக்கும்
அனுபம் கெர், மற்றும் சோனியா காந்தி பாத்திரத்தில்
நடித்திருக்கும் (German-born actress Suzanne Bernert.) 
சுசைனி பெர்னர்ட் இருவரின்
உடல்மொழி இத்திரைப்பட த்தின் காட்சிகளுக்கு
 வலு சேர்த்திருக்கிறது.
சமகால அரசியல் என்பதாலும் 
சம்பவங்கள் பார்ப்பவர்களுக்கு
மிகவும் நெருக்கமானவை, 
நினைவிலிருப்பவை என்பதாலும்
தியேட்டரில் கூட்டம் அலைமோதுகிறது.
காங்கிரசு கட்சிக்கும் காங்கிரசு அரசியலுக்கும்
இத்திரைப்படம் எதிர்மறையான அலைகளை
 எழுப்பும் என்பதும் அதை இன்றைய பிஜேபி அரசு
 மறைமுகமாக ஆதரிக்கும் என்பதும்
 இத்திரைப்பட த்தைப் பார்த்துவிட்டு
 வெளியில் வரும் போது
இதன் இன்னொரு அரசியலாக
விரிகிறது.
ஒரு புத்தகம் … அதன் சம்பவங்கள்.. அதில் வரும்
நபர்கள்.. அனைத்தும் உண்மை.
ஆனால் உண்மைகளுக்கும் இன்னொரு முகம் உண்டு.
உண்மைகளுக்கும் அரசியலுண்டு..
அந்த இரண்டும் இந்த திரைப்பட த்திற்கும் உண்டு…
இதை எழுதும் போது…
இப்படியான ஒரு திரைப்பட த்தை/ புத்தகத்தை
 தமிழக அரசியலை வைத்து எடுக்க முடியுமா?
எழுத முடியுமா..

ஆக்சிடெண்ட்.. ஆகிவிடும்.