பூவிதழின் ஓசை

வற்றிப்போன தாமிரபரணி
வாடிப்போன நெச்சி இலைகள்
நீச்சலடித்த கன்னடியன் கால்வாய்
சடுகுடு ஆடிய தாராவி கடற்கரை
சீட்டுக்கட்டாய் சரிந்து சரிந்து 
எதுவும் எதுவுமின்றி பழகிப்போன பயணம்
பத்தமடை பாயில் படுத்துக்கொண்டே
நீச்சலடிப்பதில் மூச்சுத் திணறுகிறது.
இன்னும் விடியாதப் பொழுது
பூவின் இதழ்கள் உதிரும் ஓசையில்
களைந்துவிடுகிறது வேர்களின் மெளனம்