Saturday, March 23, 2019

FIREBRAND MOVIE

firebrand movie review க்கான பட முடிவு
FIREBRAND – feminist movie
இப்படித்தான் இத்திரைப்படம் குறித்த
விமர்சன ங்கள் வெளிவந்தன.
பெண்ணிய திரைப்படம் என்ற அடையாளமே
இத்திரைப்பட த்தைப் பார்க்க வேண்டும்
என்ற ஆவலைத் தூண்டியது. இன்னொரு காரணம்
இத்திரைப்பட த்தில் நடித்திருக்கும் நடிகை usha Jadav.
பிரியங்கா சோப்ரா தயாரித்திருக்கும் இத்திரைப்படம்
பாலியல் வன் கொடுமைக்கு ஆளான பெண்களுக்கு
சமர்ப்பணம் என்று சொல்கிறது. 

திரைக்கதையும் இது தான். 
பள்ளிக்கூடம் போகும் வயதில் மாணவியை
ஒருவன் பாலியல் வல்லாங்கு செய்கிறான்.
அது அவளுடைய குற்றமல்ல.
ஆனாலும் சமூகத்தின் அவமானப் பார்வையைத்
தாங்க முடியாமல்  பெற்றோர்கள் அவளை
அனாதையாக விட்டுவிட்டு  போய்விடுகிறார்கள்.
 நீதிமன்றமோ அப்பெண்ணைக் கூண்டில் ஏற்றி
பலமுறை வல்லாங்கு செய்கிறது. அவர்களின்
கேள்விகள் அவளைத் துகிலுரிக்கின்றன.
தொண்டு நிறுவனத்தின் ஆதரவில் படித்து
வக்கீலாகும் அவள் மணமுறிவு வாங்கிக் கொடுப்பதில்
வெற்றி பெற்ற டைவர்ஸ் வக்கீலாக பெயர் எடுக்கிறாள்.
அவளைப் பற்றி அனைத்தும் அறிந்த அவள் தோழன்
அவளைத் திருமணம் செய்து கொள்ள விரும்புகிறான்.
அவர்களின் திருமண வாழ்வில் கணவன் மனைவி
உடலுறவு அவளுக்கு பாலியல் வன்முறையாகவே
தொடர்கிறது. கணவனின் உடல் அக்கணத்தில்
அவளை வல்லாங்கு செய்த அந்த ஆணின் உடலாக
மாறி .. அவர்கள் உறவை கேள்விக்குறியாக்கும்
நிலைக்குத் தள்ளுகிறது. காதல் கணவனும் தன்னுடைய
இந்தப் பிரச்சனையால் ஏன் பாதிக்கப்பட வேண்டும்?
திருமண உறவை முறித்துக்கொண்டு நண்பர்களாகவே
இருக்கலாம் என்று அவள் நினைக்கிறாள்.
ஆனால் அவன் அவளுடைய கடந்த காலத்தை
அவள் மறக்க வேண்டும் என்பதற்காக அவளுடன்
போராடுகிறான். மருத்துவர் உதவியை நாடுகிறார்கள்.
மருத்துவர் அவளுக்கு நட ந்த தை எல்லாம் தினமும்
எழுதி கண்ணாடி முன்னால் நின்று வாசிக்கச் சொல்கிறார்.
தினமும் எழுத எழுத வாசிக்க வாசிக்க…
எழுத எழத வாசிக்க வாசிக்க…
அது அவளிடமிருந்து விலகி ஒரு கதையாகிவிடுகிறது.
அந்த இரவில் அவளைச் சந்திக்க வரும்
இன்னொரு ஆடவனுடன் அவள் தன்னை மறந்து
உடலுறவு கொள்கிறாள்.
அக்காட்சி வரும் போது..
மனம் படபடக்கிறது.
எல்லா சினிமாக்களிலும் காட்டுவது போல
கணவன் இப்போது வரப்போகிறான்
கதவைத் திறக்கப்போகிறான் என்று
 நினைக்கிறோம். ஆனால் அப்படி எதுவும்
நடக்கவில்லை.
ஊருக்குப் போன கணவனை உடனே வரச்
சொல்லுகிறாள்.
அவளிடம் ஒரு மாற்றம் இருப்பதை அவனும்
உணர்கிறான். அவளும்  நடந்த அனைத்தையும்
சொல்கிறாள்.
மாதவ்… நீ எப்போதும் சொல்வாயே..
காதல் வேறு, உடலுறவு வேறு என்று.
நேற்று அதை உணர்ந்தேன்…
ஓர் ஆணுடலும் பெண்ணுடலும் மட்டும்
நேற்றைய உறவில் இருந்த தை உணர்ந்தேன்.
அவ்வளவு தான். அதில் காதல் எதுவுமில்லை”
என்று சொல்லும் போது…
அவன் அவளைக் கட்டி அணைத்துக் கொள்கிறான்.

ஆண் பெண் உடலுறவில்
காதல் இல்லை என்றால் அது வெறும்
இரு உடல்களின் பசி, ஹார்மோன் களின்
வேலை.. “
காதலுடன் நடக்கும் உடலுறவு  தான்
ஆண் பெண் உடலுறவுக்கான அர்த்தம்..
இப்படியாக நான் புரிந்து கொண்டேன்.

பாலியல் வன் கொடுமை என்பது
அதை அனுபவித்த பெண்ணின் வாழ்க்கையை
அவள் உறவுகளிலும் நினைவுகளிலும்
கடைசிவரைத் துரத்திக் கொண்டே தான்
இருக்கிறது.
சுன ந்தாவின் கணவன் கதைப்பாத்திரம்
ஒரு கனவுப்பாத்திரமாகவே ..இருக்கிறது.
சுன ந்தாக்களுக்கு இம்மாதிரி கணவர்கள்
வாய்ப்பார்களா?

அவளும் நேருவும்

இலக்கியவேல் மாத இதழில்  " அவளும் நீங்களும்"
என்ற தொடர் எழுதுகிறேன்.
அவளைப் பற்றிய உங்களுக்குத் தெரிந்தப் பக்கங்கள்,'
 தெரியாதப் பக்கங்கள், நீங்கள் கண்டும் காணாமல்
புரட்டும் பக்கங்கள், நீங்கள் காண மறுக்கும் பக்கங்கள்,
நீங்கள் கண்டு கொண்டாலும் அவள் பார்வையை
புரிந்து கொள்ள மறுக்கும் பக்கங்கள்...
இப்படியாக அவளும் நீங்களும்...
 நம்பிக்கையுடன் நீங்கள் வாசிக்கலாம்..
காரணம்.
அந்த உரையாடல் அவளுக்கானதல்ல
உங்களுக்கானது தான்.

மார்ச் இதழில்
அவளும் நேருவும்

Archana Balmukund Sharma
அவளும் நேருவும்

அவள் வாழ்ந்த இட த்தையும் வாழ்ந்த
வாழ்க்கையையும் கொண்டாட முடியாதுதான்.
அவளைக் கொண்டாடுவதும் நம் நோக்கமல்ல.
அவள் அந்த இட த்தில் அவளைப் போல
வாழ்ந்தப் பெண்களுக்கு வழிகாட்டியாக
இருந்தாள் என்றும்  சொல்ல வரவில்லை.
. ஆனால் பாதுகாப்பாக இருந்தாள்.
பெண்ணுடலைப் பேசும் பெண்ணியத்தளம்
அப்பெண்களின் பாதுகாப்புகளைப் பற்றிப்
பேச வேண்டிய அவசியத்தை உணரவில்லை.
உடல் உழைப்பையும் உழைப்பாளர்களின்
உரிமையையும் முன் நிறுத்தும் தொழிற்சங்கங்களில்
அப்பெண்களுக்கான உரிமைகள் பேசப்பட்ட து இல்லை.
நுகர்ப்பொருளின் தரத்தையும் பாதுகாப்பையும்
முதன்மைப்படுத்தும் முதலாளித்துவம்
இந்த நுகர்ப்பொருட்களை ஜடப்பொருளாக க் கூட
தங்கள் சந்தை வணிகத்தில்  கணக்கு வைப்பதில்லை..
அதனால் தான் தங்களின் பாதுகாப்புக்காக
தங்களின் உரிமைகளுக் காகப் போராடிய
அவளைக் காமட்டிபுரம் தங்களின் காவல் தெய்வமாக
கொண்டாடியது.
இன்றும் காமட்டிபுரத்தின் விளக்குகள் மின்னும்
குடிசைகளில் அவள் புகைப்படம் பூஜைக்கு
உரியதாக மாட்டப்பட்டிருக்கிறது.

அவளும் அவர்களில் ஒருத்தியாகத்தான் வாழ்ந்திருக்கிறாள்.
அவளும்  நம்மைப்போல ஒரு குடும்பத்தில் (குஜராத்தில்)
பிறந்து வளர்ந்தவள். காதல், கற்பு, ஒழுக்கம் , நியாயம்
தர்மங்களைப் பேசும் குடும்பம்.. எல்லா பெண்களையும்
போல பதின்ம வயதில் அவளுக்கும் காதல் வருகிறது.
காதல் தான் எத்தனை அழகானது.
கவித்துவமானது. புனிதமானது..
அவளும் காதலித்தப் போது அப்படித்தானே
நினைத்திருப்பாள். ஆனால் அவளுடைய காதல்
அவளைக் காமட்டிபுரத்தில் தள்ளியது.
அவள் காதலனே அவளை விற்றான்.
இப்படித்தான் அவள் அந்த தொழிலுக்கு வருகிறாள்.
ஆனால் அவள் தன்னைப் போல
இத்தொழிலுக்கு தள்ளப்படும் பெண்களுக்காக
போராட முன் வருகிறாள்.
அவள் குரல் தனித்து ஒலிக்கிறது.
கங்குபாய் சொல்கிறாள்…

“ நீங்கள்  நினைக்கலாம். இதை
எல்லாம் நாங்கள் விரும்பிச் செய்வதாக.
நான் சொல்வதை நம்புங்கள்.
எங்கள் தொழில் ஒன்றும் நீங்கள்
நினைப்பது போல அவ்வளவு எளிதானதல்ல.
நம் தேசத்திற்காக எல்லையில் நின்று
தொடர்ந்துப் போராடும்  படைவீர ர்கள்
இருப்பதால் தான் நீங்கள் நிம்மதியாக
இருக்கிறீர்கள். ஒருவகையில் நாங்களும்
அவர்களைப் போலத்தான். எங்கள் உடல்
ஆண்களின் மிருக இச்சைக்கும் அதீத
காமப்பசிக்கும் தீனிப்போட்டுக்கொண்டே
இருப்பதால் தான் உங்கள் பெண்கள்
பாதுகாப்பாக இருக்கிறார்கள். நிம்மதியாக
நடக்கிறார்கள்…”

தூய்மைவாதம் பேசுபவர்களுக்கு கங்குபாயின்
சொற்கள் ஒவ்வாமையை ஏற்படுத்தும்.
இன்றும் பெண்ணிய தளத்தில் கங்குபாய்
முன்வைத்த இக்கருத்து விவாதப் பொருளாகவே
வலம் வருகிறது.
காமட்டிபுரத்திற்கு வந்துச் செல்லும் ஆண்கள்
தங்கள் முகமூடியைக் கழட்டுவதே இல்லை!

இத்தொழிலில் இப்பெண்களுக்கு இலவசமாக
கிடைப்பது பால்வினை வியாதியாகத்தான்
இருக்கிறது. கருக்கலைப்பின் மாத்திரை
மருந்துகளைத் தாண்டியும் இப்பெண்கள்
பிரசவிக்கும் குழந்தைகளின் எதிர்காலம்
குறித்து யாருக்கும் கவலை இல்லை.
இப்பிரச்சனைகளை முன்வைத்து போராடிய
கங்குபாய் தங்கள் கோரிக்கைகளை நிறைவேற்ற
வேண்டும் என்று
பாரதப் பிரதமர் நேருவைச் சந்திக்கிறாள்.

இத்தொழில் செய்யும் பெண்களைச் சந்திக்கும்
எல்லோரும் சொல்லும் அறிவுரைகளைத்தான்
நேருவும் அவளிடம் சொல்கிறார்.
அவளும் நேரு சொல்வதை எல்லாம்
கேட்டுக்கொள்கிறாள்.
நேருவிடம் கேட்கிறாள்..

“எனக்கும் நீங்கள் சொல்வதைப் போல
வாழ்வதற்கு ஆசை தான்.
ஒழுக்கமான வாழ்க்கையை வாழ்வதற்கு
நான் தயாராகத்தான் இருக்கிறேன்.
யார் தருவார்கள் அந்த வாழ்க்கையை!
நீங்கள் என்னைத் திருமணம் செய்து
கொள்வீர்களா பண்டிட் ஜீ ?”

நேரு அவளிடம் என்ன பதில் சொல்லி இருக்க
முடியும்? !
அவர் சட்டையில் குத்தியிருந்த ரோஜாக்களின்
முட்கள் முதல் முறையாக அவரிடம் எப்போதும்
நிரம்பி இருக்கும் வசீகரமான புன்னகையை
காயப்படுத்தின.

இப்பெண்களின் வரலாறு காளியின் கோரதாண்டவத்துடனும்
தசாராவின் கொண்டாட்ட்த்துடனும் முடிந்துவிடுவதில்லை.

தசாரா பண்டிகையின் போது தீமைகளை
அழித்தொழிக்க 9 நாட்களும் பூமிக்கு வரும்
தேவியரின் (காளி, கொற்றவை) சிலைகளைச்
செய்ய இந்தப் பெண்களின் வீட்டிலிருந்து
ஒரு பிடி மண் … வேண்டும். கங்கைக் கரையிலிருந்து
மண், பசுமாட்டின் மூத்திரம், பசுவின் சாணம்,
இத்துடன் இந்தப் பெண் கொடுக்கும் அவள்
பாதம் பட்ட அவள் வீட்டு ஒரு பிடி மண்
எடுத்து தேவியின் சிலைகள் செய்யப்படுகின்றன..
கோவில் பூசாரியோ அல்லது சிலை செய்பவரோ
அப்பெண்கள் வாழும் தெருவுக்குப் போய்
அவள் வீட்டு வாசலில் காத்திருந்து
அவள் மறுத்தாலும் கெஞ்சிக் கேட்டு
பெற வேண்டும். ஏனேனில் அவள் தரும்
ஒரு பிடி மண் கிடைக்கவில்லை என்றால்
தேவியின் சிலை பூரணத்துவம் பெறாது.
இந்த வழக்கம் இன்று வரை தொடர்கிறது.
இது ஏன்?
இதற்காக சொல்லப்படும் காரணங்கள் எத்தனை
இருந்தாலும்..
அத்தனையும் புனைவுகளின் தந்திரங்களாகவே
இருக்கின்றன.

பெண்வழிச் சமூகம் மாறி சமூகத்தின் தலைமை இடம்
ஆண் கையில் மாறும் போது பெண்ணின் விவசாய
நிலமும் உற்பத்தியும் ஆண் வசமாகிறது.
மருதம் கொடுக்கும் உற்பத்தி வளம்
சொத்து மதிப்பாக மாற்றம் பெறும் போது
அதை தனக்குப் பின் தன் வாரிசு மட்டுமே
அனுபவிக்க வேண்டும் என்ற எண்ணம் எழுகிறது.
இந்த ஒருவனுக்கு ஒருத்தி என்ற நிலை
திருமண உறவில் உறுதி செய்யப்படுகிறது.
இந்த ஏற்பாட்டை எதிர்க்கும் பெண்களை
ஆண்களின் அதிகாரம் விலக்கி வைக்கிறது.
இப்பெண்கள் ஒரு பெண்ணுக்கான சிறப்பும்
தகுதியும் அடையாளமும் திருமணம் என்று
மாற்றப்படுவதை எதிர்க்கிறார்கள்.
அப்பெண்ணுடலை இழிவுப்படுத்திய ஆண்மைய
அதிகார சமூகம்
தாய்ச்சமூகத்தின் அறிவாகவும் ஆற்றலாகவும்
வலிமையாகவும் இருந்தப் அப்பெண்களை
அவ்வளவு எளிதில் மறந்துவிடவில்லை.
அதன் எச்சமாகத்தான் அப்பெண்ணின்
ஒரு பிடி மண்ணில் தேவியின் ஊர்வலங்கள்
இன்றும் தொடர்கின்றன.
பெண்ணுடல் வரலாற்றில் நடக்கும் இந்த
முரண்பாடு.. மகிசாசுரணின் வத த்தில்
முடிவு பெற முடியாமல் தொடர்கிறது.

Tuesday, March 19, 2019

தமிழகத் தேர்தல் களம்

<அவர் கட்சியிலேயே சிலர் தோற்பது தான்
அவருடைய எதிர்கால அரசியல் தலைமைக்கு
நல்லது..>
தமிழகத் தேர்தல் களத்தை முக நூல்/வாட்ஸ் அப்
பதிவுகளில் பாய்ந்தோடும் வாழ்த்துகளை
வைத்துக்கொண்டு தீர்மானித்துவிட முடியாது
என்ற புரிதல் இருப்பவர்கள் மேற்கொண்டு
வாசிக்கலாம்.
தேர்தல் கூட்டணி உருவானதில்
காங்கிரசு புத்திசாலித்தனமாக விளையாடி
இருக்கிறது. யார்ப் பக்கமோ போகப்போவதாக
சிலரைச் சந்திப்பதும் சிலரை அழைத்து போட்டோ
எடுத்து போடுவதுமாக திமுக வுக்கு
ஓர் அச்சத்தைத் திட்டமிட்டு உருவாக்கியது.
அத்திட்டத்தின் வெற்றி தான் காங்கிரசுக்கு
கூட்டணியில் கிடைத்திருக்கும் அதிக எண்ணிக்கையிலான
இடங்கள். அதில் பாதித் தொகுதியிலாவது வெற்றி
பெறுவார்களா என்பது அவர்களுக்கே ஐயப்பாடு
உண்டு!
இபிஎஸ் ஓபிஎஸ் ஆட்சியில் தெர்மாகோல்
போட்ட தைக் கூட நகைச்சுவையாக எடுத்துக்
கொண்டு இருவருமே காரியத்தில் இறங்கினார்கள்.
ஊடகத்தில் கோமாளிகள் போல விமர்சிக்கப்பட்ட
இவர்கள் இருவரும் கூட்டணி விசயத்தில்
ரொம்பவும் திறமையாக விளையாண்டு
இருப்பது கவனத்திற்குரியது. எடப்பாடி
ஊடகம் கேலி செய்து கட்டமைத்திருக்கும்
பிம்பம் அல்ல என்பதை நாம் கவனித்தாக
வேண்டும். பிஜேபிக்கு குறைந்தளவு சீட்டுகளைக்
கொடுத்த எடப்பாடி, பாமகாவை தன் பக்கம்
இழுப்பதில் கவனம் செலுத்திய எடப்பாடி,
இப்படியாக இந்த இரட்டையரும்
களத்தில் நன்றாகவே முதல் ஆட்டத்தை
ஆடி முடித்திருக்கிறார்கள்.
தமிழகத்தில் சிறுபான்மையினராக இருக்கும்
முஸ்லீம்களுக்கு (6 விழுக்காடு)
திமுக, அதிமுக இரண்டு
பெரிய கட்சியிலும் வேட்பாளர்களே
இல்லை! முஸ்லீம் என்றால் முஸ்லீம் லீக்
நபர் என்ற அடையாளத்திற்குள் அடைத்துவிடும்
வழியை இவர்கள் இருவருமே மவுனமாகச்
செய்திருக்கிறார்கள்.
அதிமுகவை விட
திமுக வுக்கு எப்போதும் போல
பன்முகப் பிரச்சனைகள்
இருக்கின்றன. ஈழப்பிரச்சனையைப் பேசி
திமுக வின் ஓட்டு வங்கியை யாரும்
பிரித்துவிட முடியாது என்று அவர்கள்
சொல்வதையே நாமும் நம்புகிறோம்.
ஆனால் காங்கிரசு ஆட்சியில் மத்தியில்
மிக நெருக்கமாக இருந்த கட்சி திமுக.
வலுவான அமைச்சர்கள், தலைவரின் மகள்
என்று கொடி கட்டிப் பறந்தவர்கள்.
அவர்கள் இத்தேர்தல் அறிக்கையில்
நாங்கள் வெற்றி பெற்றால்
இமயத்தில் கல் உடைப்போம்
கங்கையில் மண் எடுப்போம்
என்று எவ்வளவு தான் கவர்ச்சிகரமாகச்
சொன்னாலும்… சொன்னாலும்…
ஆட்சியில் இருந்தப் போது செய்யாத தை/
செய்ய முடியாத தை/
இனி எப்படி செய்யப்போகிறீர்கள் ????????
இந்தக் கேள்வி பொதுஜன களத்தில்
பிரமாண்டமாய் நிற்கிறது..
இதற்கான எந்தப் பதிலும் திமுக கூட்டணியில்
இல்லை. இல்லை,
களத்தில் நிற்பவர்கள் களப்பணி செய்தவர்கள்
பொதுமக்களின் பிரச்சனைகளுக்கு தார்மீக க்
குரல் கொடுத்தவர்கள் இவர்கள் எவருக்கும்
வேட்பாளர்களாகும் தகுதிகள் இல்லை.
களத்தில் நிற்கும் வேட்பாளர்கள் யார் யார்?
அவர்களுக்கும் கட்சிக்குமான தொடர்பு என்ன?
இக்கேள்வி ஒவ்வொரு கட்சியின் தொண்டர்களிடமும்
அடித்தளத்தில் எரிதழலாய் எரிந்துக் கொண்டிருக்கிறது!
இது எப்படி எதிர்வினையாற்றும் ?
இதை இப்போது சொல்ல முடியாது என்பதை
ஒத்துக்கொள்ள வேண்டும்.
தேர்தல் முடிவுகளுக்குப் பிறகு
இந்த உளவியலை ஓரளவு புரிந்து கொள்ளலாம்.
திமுக வுக்கும் திமுக வின் தலைமை திரு ஸ்டாலின்
அவர்களுக்கும் இன்னும் சில பிரச்சனைகள்
இத்தேர்தலில் இருக்கின்றன.
அவர் கட்சியின் வேட்பாளர்கள் அனைவரும் வெற்றி
பெற்றால் அது திமுக வின் வெற்றியாக இருக்கலாம்.
ஆனால் ஸ்டாலின் அவர்களின் எதிர்கால
அரசியலுக்கு ?
கட்சியிலேயே சிலர் தோற்பது கூட
ஸ்டாலின் அவர்களுக்கு நல்லது தான்!(
(சரவணா... இது என்ன நிலைமையடா...!!1)
இக்களத்தில் மிக சமார்த்தியசாலி
ஊடகங்கள் அதிகம் கவனிக்காத
டிடிவி தினகரன் அவர்கள் தான்.
காற்றடிக்கும் திசையை அவர் சரியாகவே
கணித்திருக்கிறார். வெற்றி தோல்விகளுக்கு
அப்பால் பிற கட்சிகளின் வெற்றி தோல்விகளையும்
கூட அவர் கட்சியின் வேட்பாளர்கள் தான்
தீர்மானிக்கப் போகிறார்கள்.
அதிமுக வுடன் கூடுமானவரை நேரடி போட்டிகளைத்
தவிர்த்து அதிமுக ஓட்டு வங்கியை மிகத் திறமையாக
கையகப்படுத்தும் தினகரனின் அரசியல்
இனி கவனிக்கப்பட வேண்டியதாகிறது.
சில கட்சிகள் அவர்கள் வாங்கிய சூட்கேஸ்களை
பூட்டி வைத்துக் கொள்வது அவர்களின்
எதிர்காலத்திற்கு நல்லது.
காரணம் அடுத்து வரும் தேர்தல்களில்
அவர்களை யாரும் அழைக்கப்போவதில்லை!
இதுவும் நடக்கும்.

Friday, March 15, 2019

THE BOY WHO HARNESSED THE WIND

Image result for the boy who harnessed the wind

சினிமா ஒரு பொழுதுப்போக்கு அம்சம் 
என்ற பொதுப்புத்திக்கு இம்மாதிரி திரைப்படங்கள்
சவாலாக இருக்கின்றன.
உண்மைக் கதைகள் புத்தகமாக வெளிவரும் போது
கிடைக்கும் வரவேற்பு அதைச் சினிமாவாக எடுக்கும்
போது சினிமாக்காரர்கள் அந்த எழுத்தின் ஜீவனை
தொலைத்துவிடும் அபாயம் ஏற்படுவதுண்டு.
ஆனால் இக்கதையில் அது நிகழவில்லை!
கதையின் களம் ஆப்பிரிக்காவின் மாலவி.(MALAWI)
வானம் பொய்த்த பூமி.
மாய மந்திரங்களை நம்பும் மனிதர்கள்.
பூஜை செய்தால் மழை வரும் என்ற
நம்பிக்கையுடன் வாழும் மனிதர்கள்.
அவர்களிடையே கல்வி தான் எங்கள்
சமூகத்தை முன்னேற்றும் என்று நம்பும்
தம்பதியர். அவர்களின் மகன் (William Kamkwamba)
13 வயது சிறுவன். அவன் பள்ளிக்கூடம் போகும்
முதல் நாள் காட்சியில் விரிகிறது திரைப்படம்.
அப்போது வலது கையைத் தலைக்கு மேல் தூக்கி
இட து காதைத் தொட்டுவிட்டால் அக்குழந்தைக்கு
பள்ளிக்கூடம் போகும் வயது வந்துவிட்ட து என்பது
தான் எங்கள் காலத்தில் சொல்லப்பட்ட து என்று
வில்லியம் அப்பா சொல்லுவார். அக்காட்சி வரும்
போது நானும் நிமிர்ந்து உட்கார்ந்து கொண்டேன்.
கதையின் களமும் நம்பிக்கைகளும்
கலாச்சார பண்பாட்டு எச்சங்களும்
நமக்கும் அவர்களுக்கும் இடையில்
சின்ன நூலிழையாய் ஓடிக்கொண்டிருக்கிறது
என்ற எண்ணம் வந்த து.
வில்லியமின் அக்கா தன் காதலனுடன்

ஓடிப்போக மறுப்பாள். அதற்கு அவள் சொல்லும்
காரணங்கள் இரண்டு.
முதல் காரணம் என் குடும்பத்திற்கு அச்செயல் அவமானம்.
இரண்டாவது காரணம் மொழி தெரியாத இன்னொரு
பிரதேசத்திற்கு நான் வரமாட்டேன் என்பது தான்.

வானம் பொய்க்கும் போது பூமி வறண்டால்
என்னவெல்லாம் நடக்கும் என்பதை
அப்படியே காட்சியாக விவரிக்கும் போது
அக்காட்சிகள் நம் மண்ணுக்கும் மனிதர்களுக்கும்
பொருந்திப்போகிறது. 
ரேஷனுக்காக ஒடும் மனிதர்கள், அடிதடி, 
தானியங்களைக் கொள்ளை அடிக்கும் கூட்டம்,
பசி… இத்தனைக்கும் நடுவில் நம்பிக்கை…
சிறுவன் வில்லியம் பள்ளிக்கூட கட்டணம்
கட்ட முடியாமல் பள்ளிக்கூட த்திலிருந்து விரட்டப்
படுகிறான். அவன் தன் அக்காவின் காதலன் 
உதவியுடன் பள்ளிக்கூட லைப்ர ரியைப் 
பயன்படுத்திக் கொள்கிறான்.
ஏற்கனவெ ரேடியோக்களை ரிப்பேர் செய்யும் அவன்
சைக்கிளில் டைனமோ இருப்பதால் லைட் எரிவதும்
அதே டைனமோ இருந்தால் காற்றிலிருந்து மின்சாரம்
தயாரித்துவிட முடியும் என்று முயற்சி செய்கிறான்.
அந்த ஊரிலியே அவன் அப்பாவிடம் தான் சைக்கிள்
இருக்கிறது. அப்பா அவனை நம்பி முதலில் கொடுக்க
மறுக்கிறார். ஆனால் கதை இறுதியில் அவன் 
அப்பாவின் உதவியுடன் முதல் காற்றாடி மின் உற்பத்தியை செய்து
அவர்கள் கிணற்றிலிருந்து தண்ணீரை எடுத்து …
இவ்வளவு தான் கதை.

நடிப்பு, காட்சி அமைப்புகள், உடை, அலங்காரம்…
அதுவும் வறட்சி காலத்தில் உதடுகள் காய்ந்து
வெடித்துப்போய்விடும்.. அதைக்கூட அப்படியே
காட்சி ப்ரேமுக்குள் கொண்டு வந்திருப்பார்கள்.
இப்படியான கதைகளை டாகுமெண்ட்ரியாக
எடுப்பார்கள். ஆனால் சினிமாவாக எடுப்பது
என்பதும் அதில் கொஞ்சம் கூட மிகை இல்லாமல்
காட்சிப் படுத்துவதும் ஒவ்வொரு காட்சியிலும்
களம் கதைப் பாத்திரத்தில் காட்டி இருக்கும்
கவனம்.. மிகையில்லாத நடிப்பு..
ஒவ்வொரு மாணவனும் பார்க்க வேண்டிய
திரைப்படம். வாழ்க்கையை மட்டுமல்ல
கனவுகளைக் கைப்பற்றும் வித்தையையும்
அவர்கள் கண்டடையட்டுமே!
படம் முடிந்தவுடன் எந்த ஒரு பிரச்சனையை
எடுத்துக் கொண்டாலும் இம்மாதிரி காட்டுவதற்கு
நாம் பழக வில்லை, சர்க்கார் விஜய் சினிமா
பாணியில் காட்டுவதற்கே பழகிவிட்டோமோ..
சென்ற தலைமுறையில் வாழ்ந்தவர் தான்
ஜி டி நாயுடு என்ற அறிவியல் அறிஞர்.
அவரைப் பற்றி இன்றைய தலைமுறைக்கு
சொல்லக்கூடிய ஒரு சினிமாவைக் கூட
காட்டவில்லை தமிழ்ச்சினிமா உலகம்.
யோசிப்பார்களா… நம் இளைய இயக்குனர்கள்?

Monday, March 11, 2019

Fatima SHEIKH & SAVITHRIBAI Phule

Image result for fatima sheikh phule
பெண்ணிய தளத்திலும் இந்திய வரலாற்றிலும் 
மறக்கப்பட்டு விட்ட பெண் அவள். ஆனால்
அவள் தான் பெண்கல்வியை முன்னெடுத்துச் சென்ற
மகாத்மா புலே & சாவித்திரிபாய் புலே இருவருக்கும்
தோள் கொடுத்த துணை. 
அவள் தான் சாதி அதிகாரவர்க்கத்தினர்
 மகாத்மா புலே & சாவித்திரி பாய் புலேவை
மிரட்டிய காலத்தில்…
“கல்வி கற்பித்தலை நிறுத்து.. அல்லது
இந்த இட த்தை விட்டு வெளியேறு…” 
என்று மிரட்டப்பட்டகாலத்தில் மகாத்மா புலே
இரண்டாவது நிலைக்குத் தள்ளப்படுகிறார்.
எடுத்த சமூகத்தொண்டை நிறுத்தாமல் 
இருந்த இட த்தைக் காலிசெய்துவிட்டு நகர்ந்தப் போது.
. தன் வீட்டை அவர்களுக்குக் கொடுத்தப்
பெண் இவர். (புனேயில் இருக்கும் கஞ்ச் பெத் ).
சாவித்திரிபாய் புலே ஆரம்பித்த
 முதல் பெண்கள் கல்விக்கூடம்இப்பெண்ணின் வீட்டில் தான்.
(their first girls’ school called “Indigenous Library”, in her own house).
இப்பெண்ணும் சாவித்திர்பாய் புலேயுடன் சேர்ந்து
 டீச்சர்டிரெயினிங்க் படித்தார் என்பதும் 
சாவித்திரிபாய் ஆரம்பித்த பள்ளிக்கூடங்களில் 
இவரும் ஆசிரியையாக பணி ஆற்றி இருக்கிறார்
என்பதும் தெரியவருகிறது. இப்பெண்ணின்
சகோதர ர் உஸ்மான் என்ற
தகவலும் அவரும் இவரின் பணிகளுக்கு
 உறுதுணையாக இருந்தவர்
என்பதும் தெரிகிறது. 1856 க்குப் பின் இப் பெண்
 என்ன ஆனார் என்ற தகவலே இல்லை.
இப்பெண்ணின் வரலாறு எங்கேயோ
தொலைந்துப் போய்விட்டது...
அல்லது வேண்டுமென்றே தொலைக்கப்பட்டிருக்கிறது..!

பெண் கல்விக்கு எதிராக இருந்த இந்துக்களுடன்
 போராடினார் சாவித்திரிபாய் புலே என்றால் 
பெண் கல்வியை மிக க்கடுமையாக
எதிர்க்கும் இசுலாமிய மதக்காவலர்களிடம்
இப்பெண் போராடினார்என்பது 
சாவித்திரிபாய் புலேவுக்கு நிகரான ஒரு செயல்.
(Fatima Sheikh) பாத்திமா ஷேக்
முதல் இசுலாமிய பெண் ஆசிரியை என்று 
ஒற்றை வரியில் இப்பெண்ணின் அடையாளத்தை
 எழுதிவிட்டு நகர்ந்துவிட முடியாது.