Friday, January 11, 2019

அடைமொழிகள்


அடைமொழிகளை நான் வெறுக்கிறேன்.
இதற்கு யாரைக் குற்றம் சொல்வது?
அடைமொழிகளை அள்ளி வீசும் அரசியல்
அடைமொழிகளில் வாழ நினைக்கும் முகவரிகள்
அடைமொழிகளை அடைகாத்து குஞ்சு பொறிக்கும்
கவிமன ங்கள்..
போதாமையை எப்போதும் அடைமொழிகளால்
நிரப்பிக் கொண்டிருக்கும் தமிழ்ச் சமூகம்…
இதை எல்லாம் மவுனமாக ஏற்றுக்கொண்டிருக்கும்
நீங்கள்.. உங்களில் ஒருத்தியாக இருக்கும்  நான்…
.. எல்லோரும் தான் காரணம்.
இது சகிப்புத்தன்மை அல்ல.
இது கையறு நிலை..
இது ஒருவகையான பிழைப்பு வாதம்..
இது ஒருவகையான பித்தலாட்டம்.
இது ஒரு வகையான மொழிச்சிதைவு..

என் கஞ்சிக்கலயத்தில் உப்பு போல
அளவாக இருந்த அடைமொழியை
அவரவர் தங்கள் சுயலாபங்களுக்காக
விற்பனை செய்தார்கள்.
சந்தையில் விற்பனையாகும் சரக்கு மாதிரி
அடைமொழி விற்பனை செய்யப்பட்ட து.
தமிழ் மொழியின் ஒவ்வொரு சொல்லும்
 அதற்கான வரலாற்றையும் வீரியத்தையும்
இழந்துப் போனது .. இதைக் கண்டு எந்த ஒரு
தமிழ்த் தேசியமும் கொதிக்கவில்லை!
என் கஞ்சியில் உப்பை அள்ளி அள்ளிக்
கொட்டுகிறார்கள். என் பசி தீர்க்கும்
பழையச்சோறு.. அவர்கள் கொட்டிய
உப்பில் கரைந்து என் பசியாற்ற முடியாமல்
என் நாக்கில் பட்டவுடன் “த்தூ” என்று
துப்ப வைக்கிறது.
“த்தூ.. த்தூ.. “ என்று காறி காறித் துப்புகிறேன்.
பசியில் துடிக்கிறேன்.
என் கஞ்சியில் இன்னும் இன்னும் தண்ணீரை
ஊற்றி ஊற்றி அவர்கள் கொட்டும் உப்பின்
வீரியத்தைக் குறைத்துவிடலாம் என்று
பெரும் முயற்சி செய்கிறேன்.
என்  நிலத்தடி நீர் … இல்லை.
அதையும் விற்றவர்கள் தான்
என் மொழியை  விஷமாக்கியவர்கள்.
ஒரு வாய்க்கஞ்சி..
என் உழைப்பு..
என் மொழி..
என் ஆதித்தாய் தன் கருவறையில்
சுமந்து காப்பாற்றிய என் தாலாட்டுமொழி..
என் பனிக்குட வாசனையின் மொழி..
அடைமொழிகளால் அசிங்கப்பட்டு
தன் அர்த்தங்களை இழந்து என் மொழி
சிதைக்கப்படுகிறது..
இந்த அரசியலை .. மொழியின் மீது
ஏற்பட்ட பண்பாட்டு தாக்குதலை
மொழியின் மீது ஏறி அமரும் ஆதிக்கத்திமிரை
என் சொற்களை கொச்சைப்படுத்தும்
அரசியலை…
இதைச் செய்பவர்கள் யாராக இருந்தாலும்..
இனியும் பொறுப்பதற்கில்லை.. 
கொலை வாளினை எட டா



Tuesday, January 8, 2019

இலக்கியத்தில் தாதாகிரித்தனம்



இலக்கியத்தில் தாதாகிரித்தனம்...
குண்டர்கள் தீர்மானிக்கிறார்கள்
இலக்கிய விழாக்களின் தலைமையை
91 வயதான மூதாட்டி.. Nayantara Sahgal
அப்பெண் மராத்திய இலக்கிய விழாவுக்கு
சிறப்பு விருந்தினராக அழைக்கப்பட்டார்.
ஆனால் ஆங்கிலத்தில் எழுதிக்கொண்டிருக்கும்
அவர் மராத்தி இலக்கிய நிகழ்வுக்கு எப்படி
அழைக்கப்படலாம் என்று இங்கிருக்கும்
லோக்கல் அரசியல் பயமுறுத்தியதால்
காரணம் எதுவும் சொல்லாமல்
அப்பெண்ணை விரும்பி அழைத்தவர்கள்
இப்போது “வந்துவிடாதே” என்று கடிதம்
அனுப்பிவிட்டார்கள்..
யார் இந்தப் பெண்?
இவர் அரசியல் குடும்பத்தில் பிறந்தவர்
என்றாலும் அரசியல் பின்புலத்தை மட்டும்
வைத்துக்கொண்டு எழுத வந்தவர் அல்ல.
நேருவின் உடன்பிறந்த சகோதரி விஜயலட்சுமி
பண்டிட்டின் மகள் தான் இவர். ஆனால் இந்திரா
காந்தியின் ஒற்றை அதிகாரத்தைக் கேள்விக்குட்படுத்திய
அக்குடும்பத்தைச் சார்ந்தவர்.
அதனால் தான் இந்திராகாந்தி
இத்தாலிக்கு தூதுவராக பதவி ஏற்க இருந்தவரை
தான் பிரதமரானவுடன் தன் அத்தைமகளின்
பதவியை ரத்து செய்தார்..
1986 ல் , Rich Like Us – எங்களைப் போன்ற செல்வந்தர்கள்
 என்ற நாவலுக்காக
சாகித்திய அகதெமி விருது பெற்றவர். 
ஆனால் 2015 ல் மதவாதிகளால்
படுகொலை செய்யப்பட்ட நரேந்திர தபோல்கர், 
கோவிந்த் பன்சாரே ஆகியோரின்
படுகொலையை எதிர்க்கும் வகையில் தனக்கு
 வழங்கப்பட்ட சாகித்திய அகதெமி
விருதை திருப்பிக் கொடுத்தவர்… “
உறவுகள்” என்ற தலைப்பில் அவர்
எழுதிய எழுத்துகள் பெண்ணிய தளத்திலும் சமூக தளத்திலும்
அதிர்வலைகளை உருவாக்கியவை.
அவராகவே எவரிடமும் தன்னை அழைக்கச்சொல்லவில்லை.
ஆளுமைமிக்கவராகவும் கம்பீரமாகவும் தன் எழுத்துகளில்
வாழ்ந்துக் கொண்டிருப்பவரை அழைத்தவர்கள், அதுவும்
பிஜேபி முதல்வர் தேவேந்திர பட்னாவிஸ் அவர்களுடன்
கலந்து கொள்ள இருந்த துவக்கவிழா நிகழ்வு இது.
சொல்லப்பட்ட ஒரே காரணம்… அவர் ஆங்கிலத்தில்
எழுதுகிறார் என்பது மட்டும் தான்!
அவர் வரவை எதிர்த்தவர்களின் வாரிசுகள்
ஆங்கிலப்பள்ளியில் படித்தவர்கள்,
 படித்துக்கொண்டும் இருப்பவர்கள்.

இலக்கியத்தில் அரசியல் இருக்கலாம்.
இருக்க வேண்டும்.
ஆனால் அரசியல் கட்சிகளின் அதிகாரம்
இருக்க கூடாது.
இலக்கிய நிகழ்வுக்கு யாரை அழைப்பது
யாரை அழைக்க கூடாது என்பதை
 தீர்மானிக்க வேண்டியது இலக்கியவாதிகள்
தானே தவிர அரசியல் கட்சிகள் அல்ல.

Saturday, January 5, 2019

ஆண் பெண் உறவு நிலை

ஆண் பெண் உறவுகளில்
ஏற்பட்டிருக்கும் மாற்றங்களை
எப்படி எடுத்துக்கொள்வது?
திருமணம் என்பது நிறுவனம் தான்.
அதில் எனக்கு மாற்றுக்கருத்தில்லை.
ஆனால் அந்த நிறுவனத்தின் நோக்கம்
துவக்கம் எப்படி இருந்தாலும் அந்த
நிறுவனத்தின் மாற்றம் என்பது
ஆண் பெண் குடும்ப நிறுவனத்தில்
சம பங்காளர்கள் .. இந்தப் பங்கீடு என்பது
வணிகவியலில் சொல்லப்படும் பங்கீடு மட்டுமல்ல,
சமூகவியலின் பொருத்தப்பாடுகளுடன்
கையாள வேண்டிய பங்கீடு.
நம் அம்மாக்களுக்கு இந்தப் பங்கீட்டு முறை
குறித்த புரிதல் இல்லை என்று சொல்லமாட்டேன்.
அவர்கள் இதைப் பேசவில்லையே தவிர
சத்தமில்லாமல் தங்கள் உரிமைகளை
மிகச்சரியாக பயன்படுத்தும் சூட்சம ம்
அறிந்தவர்களாக இருந்தார்கள்.
அம்மாக்களின் பெண்களாகிய நாங்கள்..
அம்மாக்கள் வாசிக்காத தை எல்லாம்
வாசித்த தலையில் கொம்பு முளைத்த
பெண்களாக … எங்களுக்கு தன்னம்பிக்கை
என்பது தானே எங்களுடன் வளர்ந்த து.
எங்களுக்கு முடிவு எடுக்கும் உரிமையை
நாங்களே வைத்துக்கொண்டோம்.
எங்களை இச்சமூகம் அடங்காப்பிடாரி,
திமிரு பிடித்தவள் என்றெல்லாம் விமர்சிக்கும் போது
அதில் மறைந்திருக்கும் பொருளின் கனம் எங்களை
இன்னும் வலிமையுடன் பயணிக்க வைத்திருக்கிறது.
எங்கள் தலைமுறை பெண்களுக்கு இருந்த
வாசிப்பு, எங்கள் தலைமுறை பெண்கள்
 ஏற்றுக்கொண்ட கருத்தியல்,
 எங்கள் தலைமுறை ஏற்றுக்கொண்ட 
தலைமைத்துவங்கள்…
இது எதுவுமே..
இன்றைய தலைமுறை பெண்களுக்கு
பூஜ்யமாகிவிட்டதா.. ?…
இன்றைய ஆண் பெண் உறவில்
அது குடும்ப நிறுவன உறவாக இருந்தாலும் சரி,
அந்த நிறுவனத்தை ஒதுக்கிய உறவாக
இருந்தாலும் சரி…
எத்தனை ஊசலாட்டங்கள்!
தடுமாற்றங்கள்!
எம் தலைமுறையை விட அதிகம் படித்தவர்கள்,
அதிகமாக சம்பாதிக்கும் இன்றைய பெண்களுக்கு
எங்க்கேயோ.. ஏதோ.. மிஸ்ஸிங்க்.
அதைக் கொடுக்க மறந்த விட்டோமா?
வன்முறைகள்.. என் பது கை நீட்டி அடிப்பது
மட்டுமல்ல…
ஆண் தொடர்ந்து ஒரு பெண்ணைக்
 குற்றவாளி ஆக்குவதும்
பெண் தொடர்ந்து ஆணை மட்டுமே 
குற்றவாளி ஆக்குவதும்
ஒரே ஆண் , ஒரே பெண் என்று ஒரே ஒரு 
குழந்தையைப் பெற்ற தலைமுறை
 தங்கள் உணர்வுக்குமிழிக்குள் சிக்கிப்
புதையுண்டு போவதும்…
பெற்றோரின் இந்த உணர்வு நிலை..
பிள்ளைகளின் வாழ்க்கையைப் பாதிப்பதும்…
அதிகரித்து இருப்பதை அக்கறையுடன் பார்க்கிறேன்.
இன்றைய கணினி கைபேசி வசதிகள் ஆண் பெண்
உறவு நிலையைக் காத்திரமாக வளர்ப்பதற்கு மாறாக
இருக்கின்றன. பெற்றோரின் தலையீடு என்பது
சின்ன சின்ன விசயங்களிலும் அதிகரிக்க இந்த
கைபேசியும் ஒரு காரணமாக அமைந்துவிட்டதா?
என்பதை பெற்றோர்களும் யோசிக்க வேண்டும்.

18 வயது என்பது ஓட்டுப்போடும் வயது மட்டுமல்ல,
சிறகு முளைத்தப் பறவைகள் பறந்து செல்ல வேண்டிய
அவர்களுக்கான பயணத்தின் தகுதியும் தான்.
ஆண் பிள்ளையோ பெண் பிள்ளையோ..
அவர்கள் அவர்கள் வாழ்க்கைப் பயணத்தை
தீர்மானிக்கட்டும். வானத்தில் பறப்பதும்
கூடுகள் கட்டுவதும் அவர்கள் விருப்பம்..
அவர்களே அவர்களுக்கான திசைகளைத் தீர்மானிக்கட்டும்.
நாம் தூர இருந்து பார்த்து ரசிப்போம்.
நமக்கும் நமக்கான வாழ்க்கை மிச்சமிருக்கிறது.

எம் தலைமுறை இக்கருத்தை இன்னும் ஆழமாகவும்
தீவிரமாகவும் முன்வைக்கும் தருணம் இது..
எம் தலைமுறையின் குரலாக…

Friday, January 4, 2019

ஸ்டாலினா கனிமொழியா

Image result for உதய நிதி ஸ்டாலின் திமுக
உடன்பிறப்புகளுக்கு இது சோதனைக்காலம்!
திருவாரூர் தொகுதியில் எப்படியும் திமுக
வெற்றி பெற்றே ஆக வேண்டும்!
திமுக வின் இமெஜ் இந்த  இடைத்தேர்தலின்
முடிவில் இருக்கிறது என்பது இடைத்தேர்தல்
வரலாற்றில் இன்னொரு திருப்புமுனை..
குடும்பத்தில் சிலரின் பெயர்கள் அடிபட்டன.
இதோ… அதிகாரப்பூர்வமான வேட்பாளர்
அறிவிக்கப்பட்டுவிட்டார். தேர்வு செய்யப்பட்டிருக்கும்
வேட்பாளர் அறிவிப்பு உடன்பிறப்புகளுக்கு ஒரு
நிம்மதியை தற்காலிகமாகத் தந்திருக்கும்.
(எனக்கும்  தான்!)
உதய நிதி ஸ்டாலின், திமுக வின் இளைய கலைஞர்
என்றெல்லாம் அறிவிக்கப்பட்ட தும் '
மேடையில் இடம் கொடுக்கப்பட்ட தும் 
ஏன் அவர் கையாலேயே
விருதுகள் கூட வழங்கப்பட்ட தும்.. 
இதெல்லாம்..
உதய நிதி என்ற தனி நபர் செய்த தல்ல!
தொண்டர்களிடையே இக்காட்சிகள்
 மன உளைச்சலையும்
முணுமுணுப்பையும் ஏற்படுத்தியதையும்
 தலைமை அறியும்.
இந்தக் காட்சிகள் அரங்கேறி கொண்டிருந்தப் போது
இதை ஏன் வெளிப்படையாக உங்கள்
 பொதுக்குழு கூட்ட த்தில்
பேசுவதில்லை என்பதற்கு 
அவர்களிடம் பதில் இல்லை.
பொதுவாக பொதுப்புத்தியில் 
அதிமுக கட்சியினர் அனைவரும்
“அம்மாவின் அடிமைகள்” என்ற பிம்பம் மிக எளிதாக
உருவாக்கப்பட்டுவிட்ட து. 
அவர்களும் அம்மா போன
கார்த்தட த்தை காத்திருந்துக் கும்பிட்டவர்கள் தான்.
அவர்களை அடிமைகள் என்று சொன்னவர்கள்
இதை எல்லாம் வெளியில் புலம்புகிறார்களே தவிர
ஏன்  தங்கள் கட்சியில் வெளிப்படுத்துவதில்லை!
கொத்தடிமைகளாக வாய்மூடி இருப்பது ஏன்?

உதய நிதி.. திருவாரூர் தொகுதியில் தீயா
புகுந்து தேர்தல் வேலைச் செய்யப்போகிறார்.
தாத்தாவின் மறைவில் ஏற்பட்ட இடைத்தேர்தலைப்
பேரன் தன் சிம்மாசனத்திற்கான துருப்புச் சீட்டாக
மாற்றும் திட்டங்கள் உண்டு.
திரு ஸ்டாலின் அவர்களுக்கும் திருவாரூர் தேர்தல்
வாழ்வா சாவா தான். எப்படியும் திமுக வெற்றி பெறும்
என்ற நம்பிக்கை இருக்கிறது என்றாலும்…
கவனிக்க வேண்டிய சில புள்ளிகள்…
பல ஆண்டுகள் காத்திருப்புக்குப் பின் திமுக என்ற
மாபெரும் அரசியல் கட்சியின் தலைமைப் பதவிக்கு
வந்திருக்கும் திரு ஸ்டாலின் அவர்களுக்கு பிரச்சனையே
கட்சியோ எதிர்க்கட்சியோ அல்ல. அல்லவே அல்ல.
அவரைச் சுற்றி இருக்கும் அவர் குடும்பமும் கிட்சன்
கேபினட்டும் மட்டும் தான்!
இதை அவர் கட்டுக்குள் கொண்டுவரத் தவறினால்..
அவரிடமிருக்கும் கட்சியின் தலைமை தானாகவே
திருமிகு.கனிமொழி கரங்களுக்குப் போய்விடும்.
கனிமொழியின் புதல்வர் அரசியலுக்கு வர
இன்னும் சில காலம் இருக்கிறது என்பதால்
இப்போதைக்குப் பிரச்சனை ஏற்படாது.

சுடலைஆண்டவா..தொண்டர்களைக் காப்பாற்று.

Tuesday, January 1, 2019

கொற்றவை விழித்துக்கொண்டாள்



Image may contain: 1 person


ஓம் ஓம் ஓம் தீம் தரிகட தீம் தரிகட
ஓம் ஓம் ஓம் ..
கொற்றவை விழித்துக்கொண்டாள்
இருள் சூழ்ந்தப் பொழுது..
கனமான தருணங்கள்..
கண்ணீர் விட முடியாத பெருமூச்சில்
காலச்சுமை ..
உன் தோள்களில் சரிந்து பிறவியின்
கடனைத் தீர்க்க துடித்த உயிரின் வலி..
கொற்றவை அழைத்தாள் என்னை. 
கண்களில் கண்ணீரைத் துடைக்கவில்லை
அவள்..
என்னை அழவிட்டாள்.
உப்புக்கரித்த கண்ணீரின் துளியில்
சமுத்திரம் பொங்கியது..
அலைகள் மலைகளை விழுங்கின.
என்னவாயிற்று என் சக்தியின் மகளுக்கு?
ஏன் கலங்குகிறாய் என் கொற்றவையே..
பாலை நிலத்தில் விடப்பட்டவள் நீ
கானல் நீருக்கு கலங்காத ஈரமல்லவா நீ
பாலைவனத்திலும் பசுஞ்சோலைகளை
பிரசவித்த உன் பனிக்குட த்தின் கருவறை..
இன்னும் மிச்சமிருக்கிறது..
பாலைவனத்தின் இரவுகள்..காத்திருக்கின்றன
மணல்வெளி எங்கும் புதைந்திருக்கிறது
இன்னும் எழுதாத உன் கவிதையின் மொழி..
முடியவில்லை.. 
இதுவரை நடந்த்தெல்லாம்
இனிமேல் நடக்கப்போவதற்கான 
ஒத்திகை மட்டும் தான்.
முடிந்துவிடவில்லை உன் ஆட்டம்
பஞ்சரப்பண் இசைக்கிறது.
நட த்து.. நடத்திக்காட்டு..
கொற்றவையைச் சீண்டியவனை
குல நாசம் செய்ய நினைத்தவனை..
ஏழுகடல்தாண்டி ஏழு கண்டம் தாண்டி
மூவுலகும் தாண்டி..முடித்திடுவேன்..
ஓம் ஓம் ஓம்.. தீம் தரிகட தீம் தரிகட..
ஓம் ஓம் ஓம்.. தீம் தரிகட தீம்தரிகட..
மாரம்பு அணிந்தவளை..
மல்லிகையின் மணம் மயக்குவதில்லை.
செங்கலும் சுவர்களும் கட்டி எழுப்பிய
உன் வீடுகளைத் துறக்கிறேன்.
ஆடை அணிகலன் ..துறந்தவள் நான்.
என்னை மயக்குவது எளிதல்ல,
கொற்றவையின் முகம் ..
பிரதியங்கதேவியின் விசுவரூபம்..
ஓம் ஓம் ஓம் தீம்தரிகட தீம்தரிகட..
கொற்றவை.. விழித்துக்கொண்டாள்..
உழிஞ மரத்தடியில் 
தூங்கிக்கொண்டிருந்த பெண்புலி..
தன் வேட்டைக்காக 
உன் எல்லைகளைத் தாண்டி 
எழுந்து வருகிறது.
நிலம் நடுங்கும் ஓசை..
ஓம் ஒம் ஒம்..

Thursday, December 20, 2018

பேராசிரியர் அன்பழகனும் திமுக வும்

நேற்று எழுத வேண்டியதை இன்று எழுதுகிறேன்.
Image result for திமுக அன்பழகன்
உங்கள் பிறந்த நாளை இந்த ஆண்டு
கொண்டாடப்போவதில்லை,
யாரும் வாழ்த்த வேண்டாம்,
யாரும் நேரில் வர வேண்டாம் என்று
நீங்கள் சொன்ன சொல்லுக்கு
நான் மரியாதை கொடுக்கிறேன்.
உங்கள் உயிர்த்தோழரின் மறைவு..
நீங்கள் கடந்து வந்தப் பாதை
உங்கள் மவுன யுத்தங்கள்
உங்களின் பேசப்படாத பக்கங்கள்
உங்கள் புத்தகங்கள்…
உங்களின் காணாமல் போன இரண்டாம் இடம்..
அனைத்தையும் உன்னிப்பாகவும்
அக்கறையுடனும் கவனித்து வருகிறேன்.
1949 செப் 17 திமுக உதயம்
ஆனால் அதற்கு முன் அண்ணாவுக்கு
தனிக்கட்சி ஆரம்பிக்க இருந்த தயக்கம்..
உங்கள் கேள்வி அல்லவா அந்த தயக்கம்
நீக்கி.. திராவிட அரசியல் பாதையை
எழுப்பியது!
உங்கள் எழுத்துகளுக்கு தனித்தன்மை உண்டு.
ஓர் ஆய்வுக்கட்டுரை போல ஆரம்பித்து
தரவுகளை எப்போதும் எதிராளியிடமிருந்தே
எடுத்துக் கொண்டு நீங்கள் வீசும்
கணைகள்… உங்கள் கட்டுரைகள்.!.
தமிழர் திருமணமும் இனமானமும் என்ற
உங்கள் புத்தகத்தின் ஒவ்வொரு வரிகளும்
இன்றும் என் நினைவில் ...
50 ஆண்டு கால அரசியல் தோழமை 
கலைஞருடனான உங்கள் நட்பு என்பது
அவ்வளவு எளிதல்ல. 
கடினமான அந்தப் பாதையை
வெற்றிகரமாக கடந்து வந்திருக்கிறீர்கள்..
பல்வேறு தருணங்களில் உங்கள் மவுனமே
உங்களுக்கு கவசமாகவும்
எங்களுக்கு எரிச்சலாகவும் இருந்திருக்கிறது…
கலைஞரின் சிலையை
நீங்கள் திறந்து வைத்திருந்தால்
அதுவே திராவிட அரசியலின்
சுயமரியாதையைக்
காப்பாற்றி இருக்கும்… 

இனி…
சொல்வதற்கு எதுவுமில்லை.
உங்களை வாழ்த்தி வணங்குகிறேன்.
#DMK_கலைஞர்


Monday, December 17, 2018

சிலை அரசியல்

சிலை அரசியல்
அதிகாரக் கட்டமைப்பில் சிலைகளின் பங்கு என்ன?
கோட்பாடு சித்தாந்தம் என்ற சூத்திரங்களை
நினைவுப்படுத்தும் அடையாளமாக இருந்த
சிலைகள் ....
கோட்பாடாவது கொள்கையாவது
என்று புறம் தள்ளி ,
பிம்ப அரசியலைக் கட்டமைப்பதில்
வெற்றி பெற்றுவிட்டனவா?
கீழை நாடுகளில் ..
நம் உளவியலில் சிலைகளின் அரசாட்சி
இன்றும் கொடிகட்டிப் பறந்து கொண்டிருக்கிறதே?
ஏன்?
சிலைகள் இல்லை என்றால் எதிர்காலம்
அத்தலைவர்களை மறந்துவிடும் என்ற
அச்சம் தான் சிலைகளைக் காலம் காலமாக
எடுத்துச் செல்லும் நம் உளவியலுக்கு காரணமா?
கண்ணால் காணாத திருவள்ளுவருக்கு கூட
சிலை எழுப்பி ஒரு பிம்ப கட்டமைப்பில்
திருக்குறளை எழுப்புவது என்பது உண்மையில்
வெற்றி பெற்றிருக்கிறதா..?
சந்துகளிலும் சாலைகளிலும் திடீர் திடீரென
உருவாகும் தெய்வங்கள்.. நமக்குத் தேவையில்லை.
என்று பேசிவிடுகிறோம்.
ஆனால் சிலைகள் வைக்கிறோம்.
சிலைகளுக்கு மாலை மரியாதை அணிவகுப்பு..
இதுவே பழகிவிட்ட து நமக்கு.
கணினி சமூக வலைத்தளம் கூகுள் ஆண்டவர்
என்று எதுவுமில்லாத காலத்தில்..உருவாக்கப்பட்ட
சிலை அரசியல் .. காலப்போக்கில்
சாமிகளாக தேவிகளாக மாறி
அருள்பாலித்திருப்பார்கள் என்பதில் சந்தேகமில்லை.
இன்னும் தலைவர்களை சிலையாக்குவது என்பது
எளிது. சிலை இல்லை என்றால் எப்படித்தான்
கொண்டாடுவது? போற்றுவது.!
தலைவர் சொன்னதை எல்லாம் மறப்பதற்கு கூட
சிலைகள் தான் தேவையாகவும் இருக்கின்றன.
இதை எழுதும் போது ஒரு பெயர் நினைவுக்கு
வருகிறது.
ஃபிடல் காஸ்ட்ரோ..

Image result for ஃபிடல் காஸ்ட்ரோ

உளிகள் செதுக்காத தலைவன் !
எனக்கு ரொம்ப ரொம்ப பிடிக்கும்.
ஆனால் அவர் க்யூபாவில் பிறந்துவிட்டார்.
அது கூட பரவாயில்லை..
அவருக்கு சிலை வைக்க க் கூடாது,
மணிமண்டபம் கட்டக் கூடாது
சாலைகளுக்கு அவர் பெயரை வைக்க க் கூடாதுனு
சொல்லிட்டுப் போனாராம். அது… அது ஒன்னுதான்
எனக்கு அவரிடம் பிடிக்கலை.
பெரியார் சிலை, அம்பேத்கர் சிலை,
அண்ணாசிலை, அம்மா சிலை,
கண்ணகி சிலை, கடவுள் சிலை.. கலைஞர் சிலை..
ஏன் மயாவதி அவரோட கட்சி சின்னமான ஆனைகளுக்கு
கூட சிலைகள் வைத்து எப்புடி அசத்தினார்!
எங்க போனாலும் நகரத்தைச் சுற்றி
ஒரு மகாத்மா காந்தி ரோடு ( எம்.ஜி.ரோட்),
மும்பையில்.. ரயில்வே ஸ்டேஷனுக்கும் சத்ரபதி
சிவாஜி தான். ஏர்போர்ட்டுக்கும் அதே சத்ரபதி தான்..
இப்படியாக சிலைகளும் ரோடுகளும் பழகிப்போன
எனக்கு ஃபிடல் காஸ்ட்ரோ வின் இந்த லாஜிக்
புரியல. பிடிக்கவும் இல்ல.
பயம்மா இருக்கு.. ஃபிடல் காஸ்ட்ரோவை
க்யூபா மக்கள் மறந்துவிடுவார்களோ னு

Saturday, December 15, 2018

The Philisophy of History & FAIR AND LOVELY

The philosophy of history & ··FAIR AND LOVELY
நாட்டில் ஒன்று நடக்கிறது. பிறகு அதுவே
சரித்திரத்தின் ஒரு பகுதியாக தன்னை ஆக்கிக்
கொள்கிறது. அதோடல்லாமல் தன்னை வளர்க்கும்
வித த்தில் புதிய சரித்திரத்தை உருவாக்குகிறது.
- ஜி.டபிள்யு. எப். ஹெகெல்.
ஒகே ஹெகல்…
நாட்டில் ஒன்று நடக்கிறது.
அது சரித்திரத்தின் ஒரு பகுதி ஆகிவிடக் கூடாது
என்று சரித்திரம் விரும்புகிறது. ஒருவகையில்
சரித்திரம் என்பது எப்போதுமே வெற்றி பெற்ற
அதிகார மையங்களைச் சுற்றியே தன் எல்லைகளை
வகுத்துக் கொள்கிறது.
-புதியமாதவி…
யோசித்துப் பாருங்கள்.. ஆப்பிரிகா உலக நாடுகளைப்
 பிடித்து காலனிய நாடுகளாக்கி
ஆட்சி செய்திருந்தால்... என்ன நடந்திருக்கும்!
FAIR AND LOVELY க்ரீமுக்குப் பதிலா டிவி யில் எல்லாம்
BLACK AND LOVELY CREAM விளம்பரங்கள் 
நம்ம ஒரிஜினல் அழகியரின் ஒய்யார நடையுடன்
 ஓடிக்கொண்டிருக்கும்.. .. 
இன்னும் என்னவெல்லாமோ நடந்திருக்கும்.. !

Wednesday, December 12, 2018

காற்றழுத்தம் தாழ்வு மண்டலத்தில் அரசியல்


தமிழக அரசியலில் இப்போது தான் உண்மையில்
வெற்றிடம் ஏற்பட்டிருக்கிறது. இந்த வெற்றிடம்
திமுக வின் எதிர்காலத்தை நீர்த்துப் போகச்
செய்யும் ஆபத்துக்குரியது என்பதை திமுக
உணர்ந்திருக்கிறதா என்பது தெரியவில்லை!
அனைத்து ஊடகங்களும் திமுக வுக்கு வெற்றி
வாய்ப்பு இருப்பதை ஏற்றுக்கொள்கிறார்கள்.
அடுத்த முதல்வர் திரு ஸ்டாலின் தான் என்றும்
உறுதியாகிவிட்ட மாதிரியே இருக்கிறது.
அதாவது தமிழக சூழலில் திமுக வுக்கு எதிர்க்கட்சி
என்று போட்டிப்போட ஓர் அரசியல் கட்சி இல்லை!
இதை எழுதும் போது வானிலைச் செய்தி காதில்
விழுகிறது. காற்றழுத்தம் குறைவாக இருக்கும்..
கனமழைப் பெய்யக் கூடும் என்று. இது தான் இயற்கை.
அரசியல் சூழலிலும் காற்றழுத்தம் குறைவான இட த்தில்
கன மழைப் பெய்யலாம். ஏன் காஜா புயல் கூட வரலாம்.!!
வரவேண்டும்.. வருமா .. ..
சாத்தியக்கூறுகள் இருக்கின்றனவா..
1)      ஆன்மீக அரசியலும் மய்ய அரசியலும் …
சினிமா நடிகர்கள் அரசியலுக்கு  வரக்கூடாது என்று
எவரும் சொல்ல முடியாது. சினிமா பிரபலம் என்பது
மட்டுமே அரசியல் வெற்றியாக முடியுமா? எல்லோரும்
எம் ஜி ஆர் ஆகமுடியாது. எம் ஜி ஆர் காலத்திலேயே
அரசியல் கட்சி தொடங்கிய சினிமா பிரபலங்கள் உண்டு.
ஆனால் அவர்களால் எம்.ஜி ஆர் ஆகமுடியவில்லை!
எம். ஜி. ஆர், அவருடைய தொலை நோக்கு அரசியல்
திட்டங்கள், அவரை முன்னிலைப் படுத்திய இயக்கம்,
திரையிசை.. இப்படியாக பல காரணிகள் உண்டு.

2)      பா.ம.க. மருத்துவர் வகையறா.. கட்சிக்கும்
சாதி அடையாளம் உண்டு. தென் தமிழகத்தில்
பா.ம.க வுக்கு செல்வாக்கு அதிகமில்லை.
3)      தொல்.திருமாவளவன் சிறந்த அரசியல்வாதி தான்
ஆனால் தமிழ்ச்சாதி மனம் அவரை சாதித்தலைவராக
மட்டுமே வைத்திருக்கிறது.
4)       வை.கோ… உறுதிமொழி எடுத்துவிட்டார்.
ஸ்டாலினை முதல்வராக்காமல் ஓய்வதில்லை என்று!
அதற்காக திமுக அவரைப் பாரட்டவில்லை என்றாலும்
நாம் பாராட்டலாம்..!
5) விஜயகாந்த் - தேதிமுக வைக் காணவில்லை. காணவில்லைனு போஸ்டர் கூட போடவில்லை!

                         இப்போது தமிழக அரசியலில் எஞ்சி இருப்பவர்கள் பொதுவுடமைக் கட்சியும் சீமானின் நாம் தமிழர் கட்சியும் மட்டும் தான். கொள்கை ரீதியாக
கோட்பாட்டு ரீதியாக நாம் பொதுவுடமைக்கார ர்களை ஏற்றுக்கொண்டாலும்
தமிழகத்தில் அவர்களின் அரசியல் இல்லை.
பக்கத்து மா நிலமான கேரளாவில் இருக்கிறது ஏன்
தமிழகத்தில் இல்லை என்று யோசிக்கும் போது
திராவிட அரசியல் அலை அதிலும் குறிப்பாக
அறிஞர் அண்ணா என்ற மேஜிக்.. தமிழ் மண்ணில்
பொதுவுடமைக் கட்சி காலூன்ற வேண்டிய பள்ளங்களில்
தன்னை இட்டு நிரப்பி அரசியல் செய்துவிட்ட து.
இது தமிழர்களுக்கு ஏற்பட்ட அவலமா
அல்லது அக்கட்சிக்கு ஏற்பட்ட சோகமா ..
இறுதியாக சீமானின் நாம் தமிழர் கட்சி…
இளைஞர்களின் கூட்டம் …
சீமான் முன்வைக்கும் சூழலியல் அரசியல்
இவை எல்லாம் குறைந்த து இன்றைய
வெற்றிட த்தை நிரப்பும் அலையாக
மாறும் வாய்ப்பு இருக்கிறது..
அலை அடிக்குமா.. மழைப் பொழியுமா?
சீமானின் பேச்சைக் கேட்கலாம்,
ஆனால் ஓட்டுப் போட மாட்டோம் என்று
முடிவு செய்யும் தமிழர்களின் மன நிலைக்கான
காரணத்தை சீமான் கண்டறிய வேண்டிய 
காலம் வந்துவிட்டது.

இந்தக் காற்றழுத்தம் தாழ்வான இத்தருணத்தைத்
தவறவிட்டால்… தமிழ் மண்ணில் மழை இல்லை.

ம்ம்ம்.. தமிழக அரசியலில் காங்கிரசு/ பிஜேபி
இரு கட்சிகளுக்கும் காற்றழுத்தம் குறையும்
நேரத்திலும் வாய்ப்புகள் இல்லை.
ஆனால் அவர்கள் இந்திரகாந்தி காலத்திலிருந்து
இன்றைய மோதி காலம் வரை…
புறவாசல் அரசியலில் கொடி கட்டிப் பறக்கிறார்கள்.

Monday, December 10, 2018

இந்திய மனசாட்சியின் ராஜினாமா

Image result for rbi governor resigns
இந்திய மனசாட்சியின் ராஜினாமா
இந்திய அரசாட்சியில் நீதிமன்றம், தேர்தல் ஆணையம்,
ரிசர்வ் வங்கி ஆகியவை தன்னாட்சி அந்தஸ்து கொண்டவை.
 நேற்று ரிசர்வ் வங்கியின் கவர்னர் ரகுராம்ராஜன்.
இன்று அவருக்குப் பின் வந்த கவர்னர் உர்ஜித் பட்டேல்..
என்ன நடக்கிறது…?

என்ன நடந்தது  !
அக் 26 .. ரிசர்வ் வங்கி துணை கவர்னர் ஆச்சார்யா சொன்னார்..
அரசு தொலை நோக்குத் திட்டமில்லை.
இன்றைய வெற்றி மட்டுமே குறிக்கோள்.
அவர்கள் T20  கிரிக்கெட் விளையாட  நினைக்கிறார்கள்.
நாங்கள் டெஸ்ட் மேட்ச் விளையாட நினைக்கிறோம் என்றார்.
அவர் சொல்ல வந் த து புரிந்த து.
மோதி என்ன கேட்டார் , இவர்கள் வளைந்து கொடுக்க மறுக்கிறார்கள்
என்ற கவலை ஆரம்பித்த து.
இரண்டொரு நாளில் ரிசர்வ் வங்கியின் யுனியன் வெளிப்படையாக
தங்கள் தன்னாட்சி அதிகாரத்தில்
அத்துமீறி நுழையும் அரசு எந்திரத்தைக் கண்டித்த து.
அக் 31ல் ரிசர்வ் வங்கி கவர்னர் “போங்கடா.. “ னு
சொல்லிடுவார் என்ற எதிர்ப்பார்ப்பு ..
நவ 09 கவர்னரும் மோதியும் சந்தித்து பேசிக்கொண்ட தில்
சமரசம் வரும் என்ற ஊகம் வந்த து..
மோதி அரசு… கேட்க கூடாததை,
கை வைக்க கூடாததை..
கேட்கிறது..
கவர்னர் உர்ஜித் பட்டேல் ராஜினாமா செய்கிறார்.
இது ஒரு அரசு அதிகாரியின் ராஜினாமா மட்டுமல்ல..
மோதியிடம் தன் மனசாட்சியை விற்க முடியாத
இந்திய மனசாட்சியின் ராஜினாமா..
அவ்வளவுதான்…

Sunday, December 9, 2018

SOHAILA ABDULALI

“


I was wounded; my honour wasn’t”.
“வாழ்வதற்காகப் போராடினேன். ஜெயித்துவிட்டேன்”

ஷோகய்லா …
உங்களைப் பற்றிய நினைவுகள் இன்று மீண்டும்
எனக்குள்.. விரிகின்றன.
1983களில் உங்களைப் பற்றி நிறைய பேசி இருக்கிறேன்.
உங்களைப் பார்க்கவும் விரும்பினேன். அப்போது  நான்
மும்பை செம்பூர் பகுதி பன்னாட்டு வங்கி கிளையில்
வேலையில் இருந்தேன். 1980 அதே செம்பூர் பகுதியில்
உங்களுக்கு 17 வயது.. ஜூலை  திங்களில் அக்கொடுமை
நடந்த து. 1983 ஜூலை மாத மனுஷி இதழில்
நீங்கள் சொன்ன வாசகம் இன்றும் நினைவிருக்கிறது.
“வாழ்வதற்காகப் போராடினேன். ஜெயித்துவிட்டேன்”
என்று.

இன்று நீங்கள் அமெரிக்காவில் படித்துப் பட்டம் பெற்று
கல்விப்பணி, எழுத்துப்பணி, பெண்கள் முன்னேற்றம்,
என்று தொடர்ந்து சமூகத்தளத்தில் செயலாற்றிக் கொண்டிருக்கிறீர்கள்.
திருமணமாகி கணவர் ஒரு பெண் குழந்தை என்று
வாழ்க்கையை வாழ்ந்துக் காட்டிக் கொண்டிருக்கிறீர்கள்.
“I was wounded; my honour wasn’t”.

பாதிக்கப்பட்ட ஒவ்வொரு பெண்ணும் எப்படி
வாழ்ந்துக் காட்ட வேண்டும் என்பதற்கு
 உங்கள் வாழ்க்கை ஒரு பாடமாக இருக்கிறது.
ஷோகய்லா அப்துல்ல லி…..
உங்களை சரியாக அறிமுகப்படுத்த நாங்கள் தான்
தவறிவிட்டோமோ ? 

என் பெண்வழிபாடு சிறுகதை தொகுப்பை
ஷோகய்லா அப்துல் அலிக்கு சமர்ப்பணம்
என்று எழுதித்தான் இருந்தேன். புத்தகம் அச்சில்
வந்து ஜெயந்தன் படைப்பிலக்கிய விருதும் பெற்றது.
ஆனால்… ஷோகய்லா யார் என்று இன்றுவரை
யாருமே என்னிடம் கேட்கவில்லை…

ஷோகய்லா.. நீ கதையல்ல, நிஜம்..
உன் வாழ்க்கை  ..
உனக்கு நேர்ந்த அவலம்..
உன் பாதிப்புகளை  நீ கடந்து வந்தக்
காலமும் அதற்கான முயற்சிகளும்..
அறியப்படாமல் ..
எல்லாமே வெற்றுக் கோஷங்களில்
முடங்கிவிடுகிறது..










Friday, December 7, 2018

ஒரு கிலோ வெங்காயம்...


 இந்தியத் தலை நகரில் விவசாயிகளின் போராட்டமும்
பேரணியும். காவிரி டெல்டாவில் இயற்கைப் பேரிடர்,
மேகதாது அணைக்கட்ட கர்னாடக அரசுக்கு எதிர்ப்பு..
இப்படியாக விவசாயிகளை முன்வைத்து தொடரும்
போராட்ட களமும் அரசியலும் வெளிச்சத்திற்கு வரும்
இக்காலத்தில் தான் எங்கேயோ ஒரு பெட்டிச்செய்தியாக
இன்னொரு செய்தியும் வாசித்தும் வாசிக்கப்படாமல்
வெற்று சொற்களில் அடித்துச் செல்லப்பட்டிருக்கிறது.
செய்தி இதுதான்…
நாசிக் மாவட்ட த்தில் வாழும் விவசாயி சஞ்சய் சாத்தே
4 மாத உழைப்பில் விளைந்த 750 கிலோ வெங்காயத்தை
விற்க மார்க்கெட் வந்திருக்கிறார். ஒரு கிலோ வெங்காயம்
ஒரு ரூபாய் என்று விலை பேசி இருக்கிறார்கள். எப்படியோ
இறுதியாக ஒரு கிலோ வெங்காயம் ஒரு ரூபாய் 40 காசுக்கு
விற்பனை ஆகி இருக்கிறது . அவருக்கு 4 மாத உழைப்புக்கு
கிடைத்த மொத்த தொகை ரூ1064/மட்டும் தான்.
மனம் உடைந்த அவர் தனக்கு கிடைத்த ரூ 1064 ஐ
மொத்தமாக ரூ 54 செலவு செய்து பிரதமர் நிவாரண
நிதிக்கு அனுப்பி விட்டார். அமெரிக்க அதிபர் ஓபாமா
இந்தியா வந்திருந்தப் போது ஓபாமாவைச்சந்திக்க
தேர்வு செய்யப்பட்ட இந்திய விவசாயிகளில் இவரும்
ஒருவர்.

உணவு அரசியலானது
வெங்காயம் அரசியலானது.
வெங்காயம் பகற்கொள்ளையானது.
வெங்காயம் கொலையும் செய்கிறது...


இப்போது தான் ஒரு கிலோ வெங்காயம்
வாங்கி வந்தேன். விலை …?
வேண்டாம்..
ரொம்பவும் கனக்கிறது.. வாங்கிவந்த வெங்காயம்..





Monday, December 3, 2018

தலித் இஸ்லாமியர்

தலித் இஸ்லாமியர்…
கஸ்தூரியும் சுகிர்தராணியும்
#dalith_islam
No automatic alt text available.
கஸ்தூரியின் வரிகள்:
சாதி இந்து வழக்கம் என்று இந்து மக்களை எதிர்ப்பவர்கள்,
 இதற்கு என்ன சொல்லப் போகிறீர்கள்?இஸ்லாத்தில் 
சாதிக்கொடுமை இல்லை என்றால் இது என்ன?- கஸ்தூரி

யெஸ்.. மை டியர் கஸ்தூரி… இசுலாம் சமூகத்தில்
 சாதிக்கொடுமைஇருக்கிறது. தலித் இசுலாமியர் மட்டுமல்ல
, தலித் கிறித்துவர் கூட
இந்தியாவில் உண்டு. உண்டு.
இந்திய மண்ணில் இந்த மதங்களும்
பார்ப்பனியத்தின் சாதிய அமைப்பை ஓரளவிற்கு
 ஏற்றபிறகே இந்தியாவில் நிலைபெற ஆரம்பித்தன.
ஆனாலும் ஒப்பீட்டு அளவில் ஓர் இசுலாமிய மத குரு
ஒரு தலித்தைக் கட்டிப்பிடிப்பார். அவ்வளவு தான் .. வித்தியாசம்!
சாதிக்கொடுமையிலிருந்து தப்பிக்க மதம் 
மாறியவர்களுக்கு இந்து வர்ணாசிரம ம் புகட்டிய பாடம் இது ! 
மனுவின் இந்த வெற்றியை
நீங்கள் உங்கள் வெற்றியாக கொண்டாடலாம் கஸ்தூரி...
சாதி தான் இந்தியா.

இந்தியா தான் சாதி.
சூப்பர்… உங்களை மாதிரி ரெண்டு பேரு 
இப்படி அடிக்கடி எதாவது கேட்டா தான் 
எங்களுக்கும் விழிப்பு வருதும்மா. இந்திய இந்து தேச
 சாதியத்தைநினைவூட்டிய உங்களுக்கு 
என் நன்றியும் வணக்கமும்.

கஸ்தூரிக்கு பதில் சொன்ன கவிஞர்...
ஏண்டி கொழந்தே கஸ்தூரி..அது தலித் இஸ்லாமியர்கள் இல்லடியம்மா.. உம்மைத்தொகை...தலித்துகளும் இஸ்லாமியர்களும்னு வரும்….. கவிஞர் சுகிர்தராணி
அருமை கவிஞர் சுகிர்தராணிக்கு..
கஸ்தூரி குழந்தையா இல்லையா என்பது இருக்கட்டும்!
தலித் இஸ்லாமியர்கள் இல்லையா?
தலித் இஸ்லாமியர் என்பது “உம்மை” தொகையா?!
கவிஞர் சுகிர்தராணி என்பதும் “உம்மை” தொகையா!!
தலித் இஸ்லாமியர் என்பது உம்மை தொகை அல்ல.
தலித் இஸ்லாமியர் என்பது உம்மைத் தொகையாக
இருக்க வேண்டும் என்பது தான் இந்திய இந்து அரசியலின் விருப்பம். 
தலித் இஸ்லாமியர் என்பதை உம்மைத் தொகை
ஆக்குவாதால் தலித் வேறு இசுலாமியர் வேறு என்பது
நிரந்தரமாகிவிடும்.
அதைத்தான் காந்தி காலம் முதல் இந்திய அரசியல் விரும்புகிறது.
மராட்டிய மா நில தலித் பைந்தர் முதல் தமிழ் நாட்டில் 
உங்களில்ஒருவராக இருக்கும் விடுதலைச் சிறுத்தைகள்
 கட்சி தலைவர்முனைவர் தொல். திருமாவளவன் அவர்கள்
 தலித் என்றால் யார்?
என்று பேசியிருப்பதை என்னை விட அதிகம் கேட்கும்
வாய்ப்பும் வசதியும் உங்களுக்குத்தானே உண்டு?
தலித்துகளை அவர் பூர்வக்குடிகள் என்றும்
மண்ணின் மைந்தர்கள் என்றும் 90 கள் முதல்
சொல்லி வருவதை நீங்கள் அறிந்திருக்கவில்லையா என்ன?
இருந்தும் இது என்ன மாதிரியான விமர்சனம் என்பது
எனக்குப் புரியவில்லை! 
தலித் என்றால்
people who are socially, religiously, economically
and politically oppressed, deprived and exploited.

என்று எத்தனை முறை எத்தனை மொழிகளில் 
சொல்லிக் கொண்டே இருக்கிறோம்… 
இசுலாமியர்களும் இந்திய இந்துத்துவ பார்ப்பனிய 
அதிகார அரசியலில் தலித்துகள் தான். ஒடுக்குமுறையையும்
 தீண்டாமையையும் அவர்களும் அனுபவித்துக் கொண்டுதான்இருக்கிறார்கள். சுகிர்தராணி உங்களுக்குத் தெரியுமா..
மும்பையில் ஓர் இசுலாமிய சகோதரனுக்கு வீடு வாடகைக்குகிடைப்பது என்பது பெரும்பாடு! இன்னும் சில குடியிருப்புகளில்இசுலாமியர்களுக்கு வீட்டை விற்க கூடாது என்பது எழுதாதச்
சட்டமாகத்தான் இருக்கிறது. 
இதெல்லாம் அவர்களின்
தலித் இசுலாமிய வரலாறு.
எனவே எனதருமை தோழியே…
தலித் இசுலாமியர் என்பது “உம்” மைத் தொகை அல்ல. அல்ல.
மீண்டும் ஒரு நினைவூட்டலுக்காக..
தொல்.திரு.மா அவர்களின் யார் தலித்?
 என்ற உரை உங்களுக்காக.. 
https://www.youtube.com/watch?v=l-GFiFR8cI