மாதொரு பாகன் விற்பனை சந்தை

நல்லா இருக்குனு எழுதலாம்
ஆனா ஒரு புத்தகம் நல்லாவே இல்ல
காசு கொடுத்தில்ல.. ஓசியிலே கொடுத்தா கூட
வாங்கி வாசிக்காதீங்கனு சொல்லலாமா..
என்ற கேள்வி மனசுக்குள் ஓடிக்கொண்டிருந்தது.
நல்லா இருப்பதை எழுதுவதை விட நல்லாவே இல்லாதது 
எப்படி இந்த இடத்திற்கு வருகிறது என்பதை இனிமேல் எல்லாம்
வெட்ட வெளிச்சமா எழுதித்தான் ஆகனும்.
சாகித்திய அகதெமி பரிசு பெற்ற மராட்டி நாவல் பூமி.
இந்த நாவலை தமிழில் வாசிக்கும் வாசகன் என்ன நினைப்பான்?
மராத்திய மொழியில் புதினங்கள் இவ்வளவு மோசமாகவா
 இருக்கிறது என்று நினைக்க மாட்டானா..!
 காரணம் சாகித்திய அகதெமி விருது வாங்க்கிய நாவலே
 இப்படினா.. மற்ற நாவல்கள் எப்படி இருக்கும் ??!
என்று இதை வைத்து அல்லவா மற்ற படைப்புகளையும்
அளவிடுவான்.
ஆனால் மராத்தி மொழியில் மிகச்சிறந்த நாவல்கள் 
எழுதப்பட்டிருக்கின்றன என்பது தானே உண்மை.
இதே மாதிரியான பிரச்சனை தான் இப்போது
 எழுத்தாளர் பெருமாள் முருகன் விஷயத்திலும். 
வெளிநாடுகளுக்கு மாதொரு பாகன் போகட்டும்.
ஆனால் மாதொரு பாகன் தமிழ் இலக்கிய உலகின்
 ஆகச்சிறந்த நாவல் என்ற அடையாளத்துடன் போனால்...!
மாதொரு பாகன் நாவலும் அது சார்ந்து எழுந்த அல்லது
 எழுப்பப்பட்ட பிரச்சனைகளும் மட்டுமே 
ஒரு படைப்பின் இலக்கிய அளவுகோலாக மாறிவிடக்கூடாது.
பதிப்பகத்தாரின் விற்பனை அரசியல் சந்தை
 சினிமாக் காரர்களை விட கேவலமாக இருக்கிறது.
(மாதொருபாகன் நாவல் குறித்து எழுந்த பிரச்சனையில்
 எழுத்தாளர் பெருமாள் முருகனுக்கு ஆதரவாக நின்றது 
என்பது வேறு. அதில் இப்போதும் மாற்றமில்லை ).