சிவாஜிகணேசனும் லதா மங்கேஷ்கரும்

நடிகர்திலகம் சிவாஜிகணேசனையும் பாடகி லதா மங்கேஷ்கரையும்
நினைக்கும் போது பெருமையாக இருக்கிறது.
அவ்ர்கள் இருவருக்குமான அந்த உறவு ஒரு கவிதையைப் போல
இனிமையானது. அர்த்தமுள்ளது. போற்றுதலுக்குரியது.

சிவாஜிக்கு லதாவுடன் தொடர்ந்து பேசும் அளவுக்கு இந்தி மொழி
தெரியாது. லதாவுக்கோ தமிழ் மொழி தெரியாது. அதனால் என்ன?
அவர்கள் சந்திக்கும் போதெல்லாம் பேசிக்கொண்டார்கள்.
சிரித்தார்கள். ஒருவர் கலைத்திறமையை ஒருவர் மதித்தார்கள்.
கொண்டாடினார்கள். தங்கள்  தந்தையின் சாயலை சிவாஜியிடம்
கண்டார்கள் அந்த சகோதரிகள், லதா மங்கேஷ்கரும்
ஆஷா போஸ்லேயும்,
அதனால் தானோ என்னவோ சிவாஜிக்கு "ராக்கி" கட்டி
தங்கள் அண்ணன் என்று உறவு  கொண்டாடினார்கள்.

அந்த உறவு இன்றுவரை சிவாஜியின் மறைவுக்குப் பின்னரும்
தொடர்கிறது. எதையெல்லாமோ இந்த சினிமாக்காரர்கள்
டாகுமெண்ரி எடுக்கிறார்களே.. லதா மங்கேஷ்கரிடம்
யாராவது இதைப் பற்றி ஒரு ஆவணப்படம் எடுத்தால்
என்ன?