பட்ஜெட் ..

 பட்ஜெட் ..

பட்ஜெட் என்றவுடன் ஒரு டென்ஷன் வந்துவிடுகிறது.

 டென்சனாகித்தான் என்னக் கிழிச்சிடப்போறோம்..

பட்ஜெட் பத்தி சுவராஸ்யமா எதையாவது எழுதலாம்னு தான்

இப்படி ஒரு கூகுள் தொகுப்பு..

1)   1)  உலகத்திலேயே பெரிய பட்ஜெட் இந்தியாவின் பட்ஜெட் தானாம்.

இந்தப் பெரிய என்பது இதன் பக்க அளவைக் குறிக்கிறதா அல்லது

பற்றாக்குறையை குறிக்கிறதா… !

2)   2)பட்ஜெட் என்ற சொல் BOUGETTE என்ற பிரஞ்சு சொல்லிலிருந்து

வந்தது. இதன் பொருள் சின்ன பை… /சின்ன சூட்கேஸ்.

 அட டா… நம்ம நாட்டில பட்ஜெட் போட வரும்போது அமைச்சர் கையில ஒரு சூட்கேஸ் /பை பிடிச்சிட்டு வர்றமாதிரி போட்டோ டிவியில் வருவார்கள். அந்தப் பை .. இந்தப் பிரஞ்சு பை தானா..

 3)   முதல் இந்திய பட்ஜெட் வந்தது எப்போ தெரியுமா? 7 ஏப்ரல் 1860

கிழக்கிந்திய கம்பேனி வெளியிட்ட பட்ஜெட். இங்கிலாந்து அரசியிடம்

சமர்ப்பித்த பட்ஜெட். ஸ்காட்லாந்து பொருளாதர  நிபுணரின் உதவியுடன் தயாரிக்கப்பட்ட பட்ஜெட் இது.

 முதல் பட்ஜெட் ஏப்ரலில் வந்ததைக்  காரணமாக வைத்து இனிமேல் பட்ஜெட்டை 01 ஏப்ரலுக்கு மாற்றினால் என்ன? எப்படிப்பார்த்தாலும் நம்மை முட்டாள் ஆக்குகிற பட்ஜெட் தானே!

4)   4)சுதந்திர இந்தியாவின் முதல் பட்ஜெட் 26 நவம்பர் 1947 ல் வந்த து.

NO TAX BUDGET.

 இதுதான் உண்மையில் ஆனந்த சுதந்திர பட்ஜெட் 

5) 5)   1950  வரை பட்ஜெட் ராஷ்டிரபதி பவனிலிருந்து அச்சிடப்பட்டு வெளியானது. அதன் பின் மிண்ட் ரோட் அச்சகத்திற்கு மாறியது. 1980ல் அரசு அச்சகத்திற்கு மாற்றப்பட்டது.

      ஏன் பட்ஜெட் பிரிண்டிங்க் அட்ரஸ் மாறிக்கிட்டே இருந்திச்சினு       கேட்காதீங்க. வெளியே சொன்னா வெட்கக்கேடு..      ராஷ்டிரபதிபவனிலிருந்து பட்ஜெட் லீக் ஆயிடுச்சி.. அதைக்    கண்டுப்பிடிக்க முடியாம நம்ம ஆட்கள் ப்ரிண்டிங்க் பிரஸ்ஸை      மாற்றிக்கொண்டே இருந்தார்கள். இதுதான் ரகசியம்.

6) 6)   1955 வரை பட்ஜெட் ஆங்கிலத்தில் மட்டுமே வெளிவந்து கொண்டிருந்தது.  1955=56 பட்ஜெட் இந்தியிலும் வெளிவர ஆரம்பித்தது.

இந்தியிலா… அப்படின்னு யாரும் கேட்கலை. காரணம் கணக்கு விவரம் தானேனு நினைச்சிருப்பாங்களோ… என்னவோ.

 

7)   6)   அதிகமுறை பட்ஜெட் தாக்கல் செய்த நிதியமைச்சர் மொரார்ஜிதேசாய். 10 முறை. அடுத்து ப. சிதம்பரம் 9 முறை, பிரணாப்முகர்ஜி – 8 முறை,

யஷ்வந்த் சிங்கா – 8 முறை. மன்மோகன்சிங்க் 6 முறை.

இன்றுவரை இந்த ரிகார்ட் பிரேக் ஆகலை!

 

8)  7)  இந்திய பட்ஜெட் தாக்கல் செய்த முதல் பெண் நிதியமைச்சர் இந்திராகாந்தி. 1970-71. இரண்டாவது பெண் நிர்மலா சீதாராமன்.

9)  8)  யஷ்வந்த் சிங்க் தாக்கல் செய்த பட்ஜெட் 1973-74 “கறுப்பு பட்ஜெட்”

என்றழைக்கப்படுகிறது.

ஜஸ்ட் ஒரு ரூ 500 கோடி பற்றாக்குறை பட்ஜெட் போட்ட தால்

அந்த பட்ஜெட்டை black budget என்றவர்கள்.. இன்னிக்கு வரும்

 பட்ஜெட்டுகளுக்கு blank budget என்பார்களா?!!

 

10) பட்ஜெட்டுகளுக்கு சில சிறப்பு பெயர்கள் கொடுத்தார்கள்.

மன்மோகன் சிங்க் பட்ஜெட் 1991-92க்கு EPOCHAL BUDGET என்றழைத்தார்கள்.

காரணம் இந்தப் பட்ஜெட் இந்திய தேசத்திற்கு பொருளாதர விடுதலையைக் கொடுத்ததாம்.. economic liberation to Nation..

என்ன விடுதலை அதுனு கேட்காதீங்க..

11) ப.சிதம்பரம் பட்ஜெட் 1997-98 கனவு பட்ஜெட் என்றழைக்கப்படுகிறது.

குறைந்த வரிவிதிப்பு பட்ஜெட் என்றார்கள்.

 

12) யஷ்வந்த் சிங்கா பட்ஜெட் 2000 -2001 மில்லினியம் பட்ஜெட்.

ஐடி செக்டருக்கு முக்கியம் கொடுத்த பட்ஜெட் இது என்பதால்.

 

13) பட்ஜெட் தொடரில் தொடர்ந்து இரண்டரை மணி நேரம் ..2014ல்  அதிக நேரம் பேசிய நிதியமைச்சர் அருண்ஜெட்லி.

 பாவம்… இடையில் 4  நிமிடம் ப்ரேக் எடுத்து தண்ணி குடிச்சிக்கிட்டாராம். அதைக் கேட்டுக்கிட்டிருந்தவங்க எத்தனை ப்ரேக் எடுத்தாங்கனு தெரியல.!

 

14)   பட்ஜெட்டில் மிக அதிகமான சொற்களைப் பயன்படுத்தியவர் மன்மோகன் சிங்க். அவர் பயன்படுத்திய சொற்கள் 18,650.

     இதை எல்லாமா கணக்கு வைக்கிறாங்கா… பின்னே வரவு செலவு    பட்ஜெட்னா சும்மாவா..

15) இந்திய ரயில்வே பட்ஜெட் தனியா வந்த தை நிறுத்திட்டு 2017 முதல்

ஒரே பட்ஜெட்டா கலந்து கொடுக்க ஆரம்பிச்சிட்டாங்க.

 ஏன்னா.. அடிக்கடி ஷாக் கொடுக்கவேண்டாம். ஒரே ஷாக் கொடுத்தா போதாதானு நினைச்சிருப்பாங்க.

 

**

                பட்ஜெட் ஒரு குட்டி அலசல்

     ஒவ்வொரு ஆண்டும் வரி வசூல் அதிகரித்து வருகிறது,

                செலவினம் அதிகரித்து வருகிறது,. கார்ப்பரேட் வரி விகிதத்தை 30%      முதல் 25% வரை குறைத்த பின்னர், கார்ப்பரேட் வரி வசூல் , அதாவது     அரசுக்கான வருமானம் குறைகிறது. தொடர்ந்து இந்தியாவின்   நிதிப்பற்றாக்குறை,  கடன் தொகை, அதற்கான வட்டி      எகிறிக்கொண்டிருக்கிறது...

     ஆதலால்,

1)      வளர்ச்சியும் பற்றாக்குறையும் ஒரே நேரத்தில் அதிகரிக்கும் போது

அது என்ன பொருளாதாரம்னு யாராவது சொல்லுங்க!

 2)       கார்ப்பரேட் வரி விகிதத்தை குறைப்பதன் மூலம்  நுகர்வோராகிய பொதுஜனம் பெறும்  நன்மை என்ன?

 3)      வட்டி செலுத்த வேண்டியது  ரூ .8,09,701 கோடி .

 முழு பட்ஜெட்டிலும் இந்த தொகையை கழிச்சா மீதி இருப்பது  அரசாங்கத்திற்கு மொத்தம் ரூ .26,73,535 கோடி

4)      நிதி பற்றாக்குறை ரூ .15,06,812 கோடி.  இதுக்கு எங்கே எல்லாம் கடன்வாங்கப்போறோம்?

இதை எல்லாம் எழுதினா மட்டும் பட்ஜெட் நமக்கானதாக மாறிவிடுமா என்ன?

 பட்ஜெட் கொடுக்கும் படிப்பினை

 காலையில் எழுந்திருச்சி குடிக்கிற ஒரு கப் காஃபி முதல் இரவில் தூங்கப்போகும் முன் சுவிட்ச் ஆஃப் செய்ற மின்சாரம் வரை..

எல்லாம் பட்ஜெட் தீர்மானிக்கிறது. இருந்தாலும் பட்ஜெட் பற்றிப்

பேசி எழுதி அவரவர் பொருளாதர அறிவைக் காட்டிக்கலாமே தவிர

வேற எதுவும் செய்ய முடியாது. அரசு சொல்கிற வருமான வரியை

ஒழுங்காகக் கட்டி தன் தேசபிமானத்தைக் காப்பாற்றிக் கொள்ளும்

பொதுஜனக்கூட்டத்தில் நானும் ஒருத்தி.