அதுவேறு இது வேறா, தோழா

அதுவேறு இது வேறா,  தோழா
------------------------------------------------

அவனை அவர்கள் அடித்துக்கொன்றார்கள்.

அதைப் பற்றி எழுதியபோது 

அதைச் சாதியம் என்றார்கள்  தோழர்கள்.

இவனை இவர்கள் சாகடித்தார்கள்.

இப்போது எங்குப்பார்த்தாலும்

மனிதநேயம் பூத்துக் குலுங்க்குகிறது.

நேற்று எங்கள் ஊரில் டவுண் பஸ் பிரேக்டவுண்.

ஆளும்கட்சியின் அட்டகாசம்

சட்டம் ஒழுங்கு சீர்குலைந்ததாக

ஜனநாயகக்காவலர்கள் சீறிப்பாய்ந்தார்கள்.

நியூட்டனின் மடியில் புவிஈர்ப்பு விசை.

ஆப்பிள்கள் விழுகின்றன.

கொட்டும் மழையில் குடைப்பிடித்து

ஒதுங்கி நடக்கிறது நிழல்.

சகதியை வாரி இறைத்துக்கொண்டு

வேகமாக ஓடி மறைகிறது நிஜம்.

அதுவேறு இதுவேறு தான் தோழா.

அதுவேறு இதுவேறு தான்.